- Joined
- Nov 12, 2008
- Posts
- 4,513
- Reaction score
- 6,814
- Points
- 173
پاکستانی سیاست میں کئی مزاحیہ کردار ہیں لیکن پاکستانی سیاست میں حافظ حسین احمد ایک سنجیدہ مزاحیہ کردار ہیں جو اپنے ہر بیان کو مزاحیہ انداز میں کرتے ہیں۔ ان کے گزشتہ بیانات حسب ذیل ہیں۔
حافظ حسین احمد نے ایک تازہ بیان میں فرمایا کہ صدر زرداری دوبئی کے ڈاکٹروں کے علاج سے نہیں وزیراعظم اور آرمی چیف کی ملاقات کے بعد ٹیلی فونک ’’ دم‘‘ سے ٹھیک ہوئے ہیں اسی لیے وہ ’ ’دم‘‘ کی بدولت ’’ یکدم ‘‘ وطن واپس آگئے ہیں۔ ’’دم ‘‘ کے فیض سے صدر سپریم کورٹ میں اپنا جواب داخل کروانے کے قابل بھی ہو گئے ہیں ۔
شرمیلا فاروقی نے ایک بیان میں کہا کہ ویلنٹائن ڈے پر مولانا فضل الرحمن کو پھول بھیجناچاہتی ہوں۔
جس پر حافظ حسین احمد کا جواب تھا
"”شرمیلا “ذرا بھی“شرمیلی“ ہوتیں تو اس طرح کی بات نہ کرتیں، مولانا فضل الرحمان تو ملک سے باہر ہیں البتہ وہ پھول ایوان صدر بھیج سکتی ہیں"
حافظ حسین احمد نے کچھ دن قبل فرمایا تھا کہ صدر آصف علی زرداری ”ایزی لوڈ“ کے ایکسپرٹ ہیں، انہوں نے سب کو ”غیر معصوم“ بنا دیا ہے تاکہ کوئی ”معصوم“ ان سے استعفیٰ نہ لے، بابر اعوان آصف زرداری کے ایسے ”معشوق اعوان“ ہیں جنہوں نے پہلو میں پریس کانفرنس کر کے فردوس عاشق اعوان کا بیڑہ غرق کر دیا
حافظ حسین احمد نے ایک اور بیان میں کہا کہ موجودہ سیٹ اپ کے ’’اپ سیٹ‘‘ ہونے کا وقت آ گیا ہے۔ صدر زرداری نے ایوان صدر چھوڑا تو بابر اعوان ایک اور ’’مٹھائی کا ڈبہ‘‘ تقسیم کریں گے، کس کو کیا ضرورت ہے کہ وہ وزیراعظم کو ’’ہلائے‘‘۔ وزیراعظم خود بھی ’’ہل‘‘ رہے ہیں اور ایوان صدر سمیت پوری حکومت کو بھی ’’ہلا‘‘ رہے ہیں
حافظ حسین احمد نے ایک اور بیان میں کہا کہ وزیراعظم ”فرشتوں“ کو متحرک کئے جانے کا کہہ رہے ہیں، دھاندلی جیسے غلط کام فرشتے نہیں ”شیاطین“ کرتے ہیں، کیا یوسف رضا گیلانی ایسی کسی ”حرکت“ کی وجہ سے تو آج وزیراعظم نہیں، وزیر اعلیٰ بلوچستان ”اللہ لوک“ ہیں، کبھی کبھی ان کی ”تکے“ کی باتیں بھی سچ ہو جاتی ہیں
حافظ حسین احمد نے اپنے ایک بیان میں کہا کہ گورنر پنجاب لطیف کھوسہ نے میاں نواز شریف کا بوسہ لیا ہے اس سے زمین کانپ اٹھی ہے۔ کھوسہ کے بوسہ کو زمین برداشت نہ کر سکی اور کانپ اٹھی۔
حافظ حسین احمد نے ایک اور بیان میں کہا کہ صدر زرداری اصولی نہیں ” وصولی “ کی سیاست کر رہے ہیں ۔ اسی لئے ان سے بھی ” وصولیاں “ ہو رہی ہیں ۔ لگتا ہے مفتی منیب الرحمان عید الفطر کا چاند مسجد مہابت خان کی سیڑھیاں چڑھ کر دیکھیں گے ۔ میں چاند دیکھ کر عید کروں گا دعا ہے ملک میں ایک ہی روز عید ہو ۔ حالات اس قدر ستم ظریف ہو چکے ہیں کہ حکومت خود کو بچانے کے لئے عوام کی دعائیں لینے کی بجائے ہر بلا کی ” بلائیں “ لے رہی ہے ۔ ن لیگ میں بڑے میاں بڑے میاں اور چھوٹے میاں سبحان اللہ ہیں مگر میں پیشن گوئی کر رہا ہوں کہ مستقبل سبحان اللہ کہنے والوں کا ہو گا ۔
بابر اعوان نے بھٹو کی پھانسی پر مٹھائی تقسیم کرنے کا کفارہ ادا کردیا ہے۔ پارلیمنٹ ہائوس میں میڈیا سے گفتگو کرتے ہوئے کہا کہ وہ بابر اعوان کے اس اقدام کو دیگر رہنمائوں کے لئے قابل تقلید سمجھتے ہیں اور خراج تحسین پیش کرتے ہیں ۔سابق وزیر اعظم بے نظیر بھٹو کے سانحہ میں ملوث تعاون کرنے والوں کو بھی عنقریب کفارہ ادا کرنا ہوگا۔ ایک سوال کے جواب میں انہوں نے کہا کہ بے نظیر بھٹو کے قتل کی نئی ایف آئی آر موجودہ سیٹ اپ کے اپ سیٹ ہونے کے بعد کٹے گی ۔
دو سال قبل انہوں نے بیان دیا تھا کہ مولانا صوفی محمد مفت میں مفتی بننے کی کوشش نہ کریں۔





