- Joined
- Feb 14, 2016
- Posts
- 1,056
- Reaction score
- 1,382
- Points
- 0
بھُٹّو اور ضیاء کی آخری ملاقات
منگل 21 مارچ 2017
تحریر: خداداد
ذوالفقار علی بھُٹّو بے رنگ، بے بو اور بے ذائقہ پانی کے پیالے کو یکسر نظر انداز کر کے دھیمے انداز میں سگریٹ کے کش لگاتا رہا۔ خوش رنگ و خوش ذائقہ پانی یا تو دنیا میں دستیاب تھا اور یا پھر جنّتیوں کو ملنے والا تھا۔ اب بھلا عالمِ برزخ میں دنیا داروں کے لیے حرام اور جنّتیوں کے لیے حلال کی گئی شے کا کیا کام؟
ضیاءالحق نے سلام پھیر کر جونہی دعا کے لیے ہاتھ بلند کیے بھُٹّو کی طنزیہ آواز سنائی دی "اب کوئی فائدہ نہیں، اب اپنے کیے کا نتیجہ بھگتنے کے لیے تیار رہو"۔ ضیاء قدرے مسکرا کر پُر سکون لہجے میں بولا "جانتا ہوں، مگر دنیا کی ذنگی میں پڑی عادتیں کیسے چھوٹ سکتی ہیں؟ تم بھی تو راکھ کو چٹکی میں دبائے بیٹھے ہو"۔
ذوالفقار علی بھُٹّو اور ضیاءالحق کی عالمِ برزخ میں ملاقات محض اتفاقیہ نہیں تھی۔ دونوں نے ہی ایک دوسرے کو ڈھونڈ نکالنے کے لیے کافی تگ و دو کی تھی اور اس کا مقصد یہ جاننا تھا کہ آیا مخالف کو بھی دنیا کی ذندگی پر کوئی پشیمانی ہے یا نہیں؟ دنیا کی ذنگی میں دونوں نے ہی مملکت خداداد سے عشق کیا تھا۔ دونوں ہی اپنی ذات کو مملکت کی بقا کی ضمانت سمجھتے تھے۔ دونوں نے ہی اپنے اور ریاست کے مخالفین کے لیے سخت گیر رویّہ اپنائے رکھا اور دونوں نے ہی اپنے تئیں ریاست کی ترقی اور استحکام کے لیے ایسے فیصلے کیے جن کا خمیازہ عوام آج بھی بھگت رہی ہے۔
"تم تو عوام کو کہتے تھے کہ روٹی کپڑا اور مکان دوں گا؟" ضیاء نے جائے نماز سے اٹھ کر صوفے پر بھُٹّو کے برابر والی گدّی پر دراز ہوتے ہوئے کہا۔
"اور تم نے بھی تو دنیا کو بزورِ شمشیر فتح کرنے کا دعویٰ کیا تھا" بھُٹّو نے جوابی طنز کیا۔
"میرا مقصد اور حکمت عملی واضع تھی، ریاست کے اسلامی ڈھانچے کی بنیاد رکھی جا چکی تھی، کچھ دیر نہ تھی کہ اسلام اپنے قلعے سے نکل کر دنیا پر غالب آ جاتا لیکن ریاست کے دشمنوں نے مجھے اپنی حکمت عملی کو پایۂ تکمیل تک پہنچانے کا موقع نہ دیا" ضیاء نے اپنی صفائی پیش کی۔
بھُٹّو جو بغور ضیاء کے چہرے کے تاثرات کا جائزہ لے رہا تھا، چند لمحے کے توقف کے بعد بولا "حکمت عملی تو میری بھی واضع تھی، ریاست کو ناقابل تسخیر بنانا اور عوام کو عزتِ نفس اور خوشحالی دینا۔ اپنے مقصد کے حصول کے لیے میں کسی بھی حد تک جانے کو تیار تھا اور اپنی ذات کو ریاست کے لیے وقف کر چکا تھا۔ خواہ کیسا ہی اندرونی یا بیرونی دباؤ ہوتا، میری ذات پر الزامات کی کیسی ہی بوچھاڑ ہوتی، مجھے ریاست کی باگ ڈور ہر حال میں اپنے ہاتھ رکھنی تھی۔ تمہیں اندازہ نہیں کہ تم نے پی این اے کی موومنٹ کی آڑ میں بین الاقوامی طاقتوں کا آلۂ کار بن کے ریاست کا کتنا نقصان کیا"۔
آخری جملہ سن کر ضیاء ایسا ہنسا کہ اسکی آنکھوں کی چمک دانتوں کی چمک کے آگے ماند پڑ گئی۔ "یعنی تم اعتراف کر رہے ہو کہ اقتدار اپنے ہاتھ میں رکھنے کے لیے تم نے الیکشن میں دھاندلی کی اور غیر قانونی، غیر آئینی اور غیر اخلاقی ہتھکنڈے استعمال کیے۔ بہت خوب مسٹر بھُٹّو! کیا یہی وہ جمہوریت ہے جسے حقوق اور آزادی کی نیلم پری بنا کر عوام کو دکھایا جاتا رہا؟" ضیاء نے طنز کا ایک اور نشتر چلایا۔
بھُٹّو جو اب تک اپنے اعضاء کو ڈھیلا چھوڑ کر صوفے میں اندر تک دھنسا بیٹھا تھا، اپنے پاؤں سمیٹ کر قدرے سیدھا ہوا اور ایک ہاتھ اپنی ران پر تھپتھپاتے ہوئے پُرجوش لہجے میں بولا "لُک ہو اِز سیئنگ دَیٹ، تُم نے تو جیسے ریفرنڈم میں اپنے علاوہ کسی اور کو منتخب کرنے کا آپشن بھی عوام کو دیا تھا۔ جب تم نے بھی اقتدار ہی کی پوجا کی تو مجھ پر اعتراض کیوں؟
بھُٹّو کے جوابی وار نے ضیاء کی ہنسی کو پہلے سنجیدگی میں بدلا اور پھر اسکے چہرے پر سوچ کے گہرے بادل چھاتے چلے گئے۔ وہ صوفے پر نیم دراز ہو کر چھاتی پر رکھے بائیں ہاتھ کی پشت کو داہنے ہاتھ کی انگلیوں سے تھپتھپاتا ہوا چھت کو یوں دیکھنے لگا جیسے اس میں کوئی سوراخ ڈھونڈ رہا ہو۔ بھُٹّو بھی چند لمحے تو تیز چلتی سانسوں اور آنکھوں کی پھیلی ہوئی پُتلیوں کے ساتھ ضیاء کے چہرے کو پڑھتا رہا۔ پھر جسم کو ڈھیلا چھوڑ کر ہاتھ کی انگلیوں میں چنگاری دبائے اور انگوٹٹا اپنی کن پٹی پر رکھے قالین کو یوں دیکھنے لگا جیسے سرخ، سنہری اور سیاہ رنگ کی گتھیوں کو سلجھانے کی کوشش کر رہا ہو۔
"تم ٹھیک کہتے ہو مسٹر بھُٹّو! ہم دونوں نے ہی اقتدار کی پوجا کی ہے۔ تم نے عوام کو عزت نفس اور خوشحالی کا لالچ دے کر تو میں نے ان کے دینی جذبات سے کھیل کر"۔ آخر ضیاء نے ہی کمرے کا سکوت توڑا۔
بھُٹّو بدستور قالین کو گھورتا رہا جیسے ضیاء کے ایک ایک لفظ سے اتفاق کر رہا ہو۔ پھر ایک گہرا سانس بھر کر بولا "پاکستان سے ہماری محبت مصنوعی نہیں تھی۔ ہم سے غلطی یہ ہوئی کہ ملکی ترقی کو اپنی ذات سے مشروط کرتے رہے جبکہ ترقی و خوشحالی ہماری ذات کی بجائے ہماری دور بینی اور پیش بندی سے مشروط تھی"۔ اور اس بار ضیاء نے بھُٹّو کی بات سے اختلاف نہ کیا۔
ضیاء نے صوفے پر بیٹھے ہوئے اپنی کہنیوں کا وزن گھٹنوں پر رکتے ہوئے گردن کو بھُٹّو کی جانب گھمایا اور بولا "مجھے بین الاقوامی سیاسی معاملات ریاستی اداروں کے زریعے حل کرنے چاہئیں تھے۔ ریاستی معاملات میں عوام کو غیر ضروری حد تک الجھا کر میں نے غیر ریاستی عناصر کے جس عفریت کی پیدائش کی آج وہی میرے ہم وطنوں کے خون کا پیاسا ہے"۔
"اور مجھے بھی عوام کی امنگوں کی قدر اور ان کے فیصلوں کی پاسداری کرنی چاہئے تھی۔ میں نے عوام کو شعور تو دیا لیکن انہیں طاقت منتقل کرنے میں ناکام رہا۔ اگر کل میں انہیں با اختیار بنا دیتا تو آج وہ اس طرح بے اختیار اور لُٹیروں کے رحم و کرم پر نہ ہوتے" بھُٹّو نے بھی ضیاء ہی کے انداز میں گھٹنوں پر کہنیاں رکھ کر اور گردن اس کی طرف گھما کر دونوں ہتھیلیاں آپس میں ملا کر ایسے بات کی جیسے کفِ افسوس مل رہا ہو۔
بیدار ہونے سے پہلے ان کے سرہانے خاموشی سے کھڑا دونوں کی آنکھوں سے چھلکتے آنسو دیکھ کر میں سوچ رہا تھا کہ بھُٹّو اور ضیاء کی ممکنہ طور پر قیامت سے پہلے کی اس آخری ملاقات کا میں واحد چشم دید گواہ ہوں۔
[email protected]
منگل 21 مارچ 2017
تحریر: خداداد
ذوالفقار علی بھُٹّو بے رنگ، بے بو اور بے ذائقہ پانی کے پیالے کو یکسر نظر انداز کر کے دھیمے انداز میں سگریٹ کے کش لگاتا رہا۔ خوش رنگ و خوش ذائقہ پانی یا تو دنیا میں دستیاب تھا اور یا پھر جنّتیوں کو ملنے والا تھا۔ اب بھلا عالمِ برزخ میں دنیا داروں کے لیے حرام اور جنّتیوں کے لیے حلال کی گئی شے کا کیا کام؟
ضیاءالحق نے سلام پھیر کر جونہی دعا کے لیے ہاتھ بلند کیے بھُٹّو کی طنزیہ آواز سنائی دی "اب کوئی فائدہ نہیں، اب اپنے کیے کا نتیجہ بھگتنے کے لیے تیار رہو"۔ ضیاء قدرے مسکرا کر پُر سکون لہجے میں بولا "جانتا ہوں، مگر دنیا کی ذنگی میں پڑی عادتیں کیسے چھوٹ سکتی ہیں؟ تم بھی تو راکھ کو چٹکی میں دبائے بیٹھے ہو"۔
ذوالفقار علی بھُٹّو اور ضیاءالحق کی عالمِ برزخ میں ملاقات محض اتفاقیہ نہیں تھی۔ دونوں نے ہی ایک دوسرے کو ڈھونڈ نکالنے کے لیے کافی تگ و دو کی تھی اور اس کا مقصد یہ جاننا تھا کہ آیا مخالف کو بھی دنیا کی ذندگی پر کوئی پشیمانی ہے یا نہیں؟ دنیا کی ذنگی میں دونوں نے ہی مملکت خداداد سے عشق کیا تھا۔ دونوں ہی اپنی ذات کو مملکت کی بقا کی ضمانت سمجھتے تھے۔ دونوں نے ہی اپنے اور ریاست کے مخالفین کے لیے سخت گیر رویّہ اپنائے رکھا اور دونوں نے ہی اپنے تئیں ریاست کی ترقی اور استحکام کے لیے ایسے فیصلے کیے جن کا خمیازہ عوام آج بھی بھگت رہی ہے۔
"تم تو عوام کو کہتے تھے کہ روٹی کپڑا اور مکان دوں گا؟" ضیاء نے جائے نماز سے اٹھ کر صوفے پر بھُٹّو کے برابر والی گدّی پر دراز ہوتے ہوئے کہا۔
"اور تم نے بھی تو دنیا کو بزورِ شمشیر فتح کرنے کا دعویٰ کیا تھا" بھُٹّو نے جوابی طنز کیا۔
"میرا مقصد اور حکمت عملی واضع تھی، ریاست کے اسلامی ڈھانچے کی بنیاد رکھی جا چکی تھی، کچھ دیر نہ تھی کہ اسلام اپنے قلعے سے نکل کر دنیا پر غالب آ جاتا لیکن ریاست کے دشمنوں نے مجھے اپنی حکمت عملی کو پایۂ تکمیل تک پہنچانے کا موقع نہ دیا" ضیاء نے اپنی صفائی پیش کی۔
بھُٹّو جو بغور ضیاء کے چہرے کے تاثرات کا جائزہ لے رہا تھا، چند لمحے کے توقف کے بعد بولا "حکمت عملی تو میری بھی واضع تھی، ریاست کو ناقابل تسخیر بنانا اور عوام کو عزتِ نفس اور خوشحالی دینا۔ اپنے مقصد کے حصول کے لیے میں کسی بھی حد تک جانے کو تیار تھا اور اپنی ذات کو ریاست کے لیے وقف کر چکا تھا۔ خواہ کیسا ہی اندرونی یا بیرونی دباؤ ہوتا، میری ذات پر الزامات کی کیسی ہی بوچھاڑ ہوتی، مجھے ریاست کی باگ ڈور ہر حال میں اپنے ہاتھ رکھنی تھی۔ تمہیں اندازہ نہیں کہ تم نے پی این اے کی موومنٹ کی آڑ میں بین الاقوامی طاقتوں کا آلۂ کار بن کے ریاست کا کتنا نقصان کیا"۔
آخری جملہ سن کر ضیاء ایسا ہنسا کہ اسکی آنکھوں کی چمک دانتوں کی چمک کے آگے ماند پڑ گئی۔ "یعنی تم اعتراف کر رہے ہو کہ اقتدار اپنے ہاتھ میں رکھنے کے لیے تم نے الیکشن میں دھاندلی کی اور غیر قانونی، غیر آئینی اور غیر اخلاقی ہتھکنڈے استعمال کیے۔ بہت خوب مسٹر بھُٹّو! کیا یہی وہ جمہوریت ہے جسے حقوق اور آزادی کی نیلم پری بنا کر عوام کو دکھایا جاتا رہا؟" ضیاء نے طنز کا ایک اور نشتر چلایا۔
بھُٹّو جو اب تک اپنے اعضاء کو ڈھیلا چھوڑ کر صوفے میں اندر تک دھنسا بیٹھا تھا، اپنے پاؤں سمیٹ کر قدرے سیدھا ہوا اور ایک ہاتھ اپنی ران پر تھپتھپاتے ہوئے پُرجوش لہجے میں بولا "لُک ہو اِز سیئنگ دَیٹ، تُم نے تو جیسے ریفرنڈم میں اپنے علاوہ کسی اور کو منتخب کرنے کا آپشن بھی عوام کو دیا تھا۔ جب تم نے بھی اقتدار ہی کی پوجا کی تو مجھ پر اعتراض کیوں؟
بھُٹّو کے جوابی وار نے ضیاء کی ہنسی کو پہلے سنجیدگی میں بدلا اور پھر اسکے چہرے پر سوچ کے گہرے بادل چھاتے چلے گئے۔ وہ صوفے پر نیم دراز ہو کر چھاتی پر رکھے بائیں ہاتھ کی پشت کو داہنے ہاتھ کی انگلیوں سے تھپتھپاتا ہوا چھت کو یوں دیکھنے لگا جیسے اس میں کوئی سوراخ ڈھونڈ رہا ہو۔ بھُٹّو بھی چند لمحے تو تیز چلتی سانسوں اور آنکھوں کی پھیلی ہوئی پُتلیوں کے ساتھ ضیاء کے چہرے کو پڑھتا رہا۔ پھر جسم کو ڈھیلا چھوڑ کر ہاتھ کی انگلیوں میں چنگاری دبائے اور انگوٹٹا اپنی کن پٹی پر رکھے قالین کو یوں دیکھنے لگا جیسے سرخ، سنہری اور سیاہ رنگ کی گتھیوں کو سلجھانے کی کوشش کر رہا ہو۔
"تم ٹھیک کہتے ہو مسٹر بھُٹّو! ہم دونوں نے ہی اقتدار کی پوجا کی ہے۔ تم نے عوام کو عزت نفس اور خوشحالی کا لالچ دے کر تو میں نے ان کے دینی جذبات سے کھیل کر"۔ آخر ضیاء نے ہی کمرے کا سکوت توڑا۔
بھُٹّو بدستور قالین کو گھورتا رہا جیسے ضیاء کے ایک ایک لفظ سے اتفاق کر رہا ہو۔ پھر ایک گہرا سانس بھر کر بولا "پاکستان سے ہماری محبت مصنوعی نہیں تھی۔ ہم سے غلطی یہ ہوئی کہ ملکی ترقی کو اپنی ذات سے مشروط کرتے رہے جبکہ ترقی و خوشحالی ہماری ذات کی بجائے ہماری دور بینی اور پیش بندی سے مشروط تھی"۔ اور اس بار ضیاء نے بھُٹّو کی بات سے اختلاف نہ کیا۔
ضیاء نے صوفے پر بیٹھے ہوئے اپنی کہنیوں کا وزن گھٹنوں پر رکتے ہوئے گردن کو بھُٹّو کی جانب گھمایا اور بولا "مجھے بین الاقوامی سیاسی معاملات ریاستی اداروں کے زریعے حل کرنے چاہئیں تھے۔ ریاستی معاملات میں عوام کو غیر ضروری حد تک الجھا کر میں نے غیر ریاستی عناصر کے جس عفریت کی پیدائش کی آج وہی میرے ہم وطنوں کے خون کا پیاسا ہے"۔
"اور مجھے بھی عوام کی امنگوں کی قدر اور ان کے فیصلوں کی پاسداری کرنی چاہئے تھی۔ میں نے عوام کو شعور تو دیا لیکن انہیں طاقت منتقل کرنے میں ناکام رہا۔ اگر کل میں انہیں با اختیار بنا دیتا تو آج وہ اس طرح بے اختیار اور لُٹیروں کے رحم و کرم پر نہ ہوتے" بھُٹّو نے بھی ضیاء ہی کے انداز میں گھٹنوں پر کہنیاں رکھ کر اور گردن اس کی طرف گھما کر دونوں ہتھیلیاں آپس میں ملا کر ایسے بات کی جیسے کفِ افسوس مل رہا ہو۔
بیدار ہونے سے پہلے ان کے سرہانے خاموشی سے کھڑا دونوں کی آنکھوں سے چھلکتے آنسو دیکھ کر میں سوچ رہا تھا کہ بھُٹّو اور ضیاء کی ممکنہ طور پر قیامت سے پہلے کی اس آخری ملاقات کا میں واحد چشم دید گواہ ہوں۔
[email protected]
Last edited by a moderator:





