Advertisement

اینجلو میتھیوز کا ٹائم آؤٹ،راولپنڈی ٹریفک پولیس کے اشتہار پر دلچسپ تبصرے

7rwpapaoslkkjhsjdhsgs.png

اشتہار وائرل ہونے کے بعد سوشل میڈیا صارفین کی طرف سے دلچسپ تبصروں کی بھرمار

کرکٹ ورلڈ کپ 2023ء کے بنگلہ دیش اور سری لنکا کے مابین کھیلے جانے والے میچ پر راولپنڈی ٹریفک پولیس کی طرف سے اینجلو میتھیوز کے ٹائم آئوٹ پر عوامی وارننگ کے بعد سوشل میڈیا صارفین کی طرف سے ٹرولنگ کی جا رہی ہے۔ راولپنڈی ٹریفک پولیس کے آفیشل ٹوئٹر پیج سے اینجلو میتھیوز کے ٹائم آئوٹ ہونے پر کسی بھی حادثے کی صورت میں ہیلمٹ کے استعمال سے اپنی حفاظت کرنے بارے آگاہی کے لیے ایک پیغام جاری کر دیا گیا ہے۔

راولپنڈی ٹریفک پولیس نے اینجلو میتھیوز کے ہیلمٹ حادثے کو ہیلمٹ کے استعمال سے آگاہی کے لیے موقع سے فائدہ اٹھاتے ہوئے سوشل میڈیا پر پیغام جاری کیا جس میں کہا گیا تھا کہ افسوس! مگر ایک معیاری ہیلمٹ، آپ کو ٹائم آؤٹ (حادثے میں جاں بحق) ہونے سے بچا سکتا ہے! موٹرسائیکل سوار کیلئے ہیلمٹ پہننا ضروری ہی نہیں لازمی بھی ہے۔

دہلی کے ارون جیٹلی سٹیڈیم میں بنگلہ دیش اور سری لنکا کے مابین کرکٹ ورلڈکپ کے 38 ویں میچ کے دوران لنکن کھلاڑی اینجلو میتھیوز تاریخ کے پہلے ٹائم آئوٹ ہونے والے کھلاڑی ثابت ہوئے تھے۔ سری لنکا کے بلے باز کو مقررہ وقت کے بعد وکٹ پر آنے پر آئوٹ قرار دیدیا گیا تھا، یہ تاریخ میں پہلی بار تھا کہ کسی بلے باز کو انٹرنیشنل کرکٹ میں ٹائم آئوٹ ہونے پر مخالف ٹیم کی اپیل پر آئوٹ کر دیا گیا۔

اینجلو میتھیوز وکٹ پر ٹوٹا ہوا ہیلمٹ لے کر میدان میں اترے تھے اور کریز پر آنے کے بعد یاد آنے پر دوسرا ہیلمت منگوایا اور اننگ شروع کرنے میں تھوڑی سی تاخیر ہو گئی۔ کپتان بنگلہ دیش کرکٹ ٹیم شکیب الحسن اور دوسرے کھلاڑیوں نے اس موقع پر ٹائم آئوٹ کا کہہ کر اینجلو کو آئوٹ قرار دینے کی اپیل کی جس پر امپائر نے انہیں آئوٹ قرار دے دیا۔

ایک ٹوٹے ہوئے ہیلمٹ کے باعث اینجلو میتھیوز کے آئوٹ ہو کر واپس پویلین لوٹنے پر راولپنڈی ٹریفک پولیس کی حس مزاح بھی جاگ اٹھی اور ہیلمٹ کی افادیت پر ایک اشتہار جاری کر دیا۔

اشتہار وائرل ہونے کے بعد سوشل میڈیا صارفین کی طرف سے دلچسپ تبصرے کیے جا رہے ہیں۔

Loading X post…
Open original post on X

ایک صارف نے لکھا کہ: اگر ٹریفک وارڈن شکیب الحسن جیسا نہ ہوا اور 5سو روپے لے کر موٹرسائیکل سوار کو چھوڑ دے پھر؟

Loading X post…
Open original post on X

راولپنڈی ٹریفک پولیس نے صارف کو ردعمل دیتے ہوئے لکھا کہ: اس صورت میں اپنی شکایت کمپلینٹ سیل میں درج کروائیں!

Loading X post…
Open original post on X

ایک صارف نے لکھا: آپ کے ٹریفک وارڈن شکیب الحسن کے برعکس مذاکرات کرنے کے لیے بہت جلد راضی ہو جاتے ہیں۔

Loading X post…
Open original post on X

ایک صارف نے اشتہار کی تعریف کرتے ہوئے لکھا: انتہائی خوبصورت اور کری ایٹو جملہ لکھا ہے!

Loading X post…
Open original post on X
ایک صارف نے لکھا: پولیس والوں کی ذہانت اور حس مزاح کب سے بحال ہوئی ہے؟

Loading X post…
Open original post on X

ایک صارف نے لکھا کہ یہ اشتہار انگریزی میں شائع کیا جائے تو دنیا بھر میں وائرل ہو جائے گا!

Loading X post…
Open original post on X

دہلی پولیس نے بھی اینجلو میتھیو کے ٹائم آئوٹ ہونے پر ایسا ہی اشتہار جاری کیا تھا جس میں لکھا تھا کہ ہمیں امید ہے کہ اب ہیلمٹ کی افادیت آپ کو سمجھ آ جائے گی جس پر صارف نے راولپنڈی پولیس پر دہلی پولیس کی نقل کرنے کا الزام لگاتے ہوئے لکھا کہ: کسی اور کے کانٹیٹ کو کاپی نہ کریں!

Loading X post…
Open original post on X