ایم کیو ایم پاکستان کے رہنما خواجہ اظہار الحسن نے کہا ہے کہ ہم نے عہدوں کیلئے تحریک انصاف کو نہیں چھوڑا، اگر اس حکومت میں ہمیں وزارتیں ملی ہیں تو یہ ایک بونس ہے۔
خبررساں ادارے جیونیوز کے پروگرام نیا پاکستان میں میزبان شہزاد اقبال نے خواجہ اظہار الحسن سے سوال کیا کہ آپ نے عدم اعتماد کی تحریک کی حمایت کرتے ہوئے یہ دعویٰ کیا کہ ہم یہ وزارتوں کا گورنر شپ کیلئے نہیں کررہے بلکہ لوگوں کا حق اور لوگوں کی شناخت کیلئے کررہے ہیں، مگر بعد میں اس حکومت میں آپ کی وزارتیں ڈبل ہوگئیں اور آپ کو گورنر سندھ کے عہدے کے ملنے کے امکانات روشن ہوگئے تو تاثر یہی ہوا کہ آپ نے عہدوں کیلئے اس حکومت کا ساتھ دیا؟
خواجہ اظہار الحسن نے جواب دیا کہ جو 14 نکاتی معاہدہ ہوا ہے اس کی روح سب سے اہم ہے، اب اگر شہباز شریف وفاقی حکومت میں ہمیں خوش آمدید کہتے ہیں جیسے عمران خان نے کیا تھا ، اسی طرح پیپلزپارٹی اگر سندھ کے گورنر کیلئے ایم کیو ایم کے نام کی حمایت کرتی ہے تو یہ اس معاہدے سے ہٹ کر ایک اچھا تاثر دینے کی کوشش ہے جو ایک بہتر ورکنگ ریلیشن شپ کیلئے ضروری ہے۔
انہوں نے مزید کہا کہ عہدے ہماری ترجیحات نہیں تھے ، عہدے پیشکش تھی جسے ایم کیو ایم پاکستان نے قبول کیا، ہم نے پورٹ اینڈ شپنگ کی وزارت لے کر 900 لوگوں کو بونس دیا جو علی زیدی نے ساڑھے تین سال روکے رکھا تھا، اسی طرح ان غریب 900 لوگوں کو عید کا پیکج دیا گیا ، ان لوگوں کیلئے ہم سپریم کورٹ تک گئے ، اگر ہم نے وزارت لی ہے تو پرفارم بھی کررہے ہیں۔
Loading X post…
Open original post on Xرہنما ایم کیو ایم نے کہا کہ جب ہم اس اتحادی حکومت کا حصہ بنے تو ہمیں یہ بھی کہا گیا کہ جس جماعت نے آپ کی 14 سیٹیں چھینیں آپ دوبارہ اس سے اتحاد کررہے ہیں، مہنگائی کی وجہ سے تحریک انصاف کی حکومت کو گرادینا صحیح فیصلہ تھا؟ یا وہ حکومت جب خود گرگئی تو اس کے بعد اس اتحاد کا ساتھ دینا ہمارا غلط فیصلہ تھا؟یہ سب سیاسی ارینجمنٹس تھے جو وقت کے ساتھ ہوئے۔
- Featured Thumbs
- https://www.siasat.pk/data/files/s3/khawajai1i1.jpg
Advertisement





