Advertisement

ایف آئی آر،پی ٹی آئی ارکان اسمبلی کاسپریم کورٹ رجسٹریز میں پیش ہونے کافیصلہ

16ptiiscregetris.jpg

سابق وفاقی وزیر اطلاعات ونشریات فواد چوہدری نے کہا ہے کہ عمران خان پر حملے کی ایف آئی آرکیلئے کل تمام قومی وصوبائی اراکین اسمبلی سپریم کورٹ رجسٹریز میں پیش ہوں گے۔

تفصیلات کے مطابق پاکستان تحریک انصاف کے مرکزی رہنما فواد چوہدری نے ایک بیان میں اعلان کیا ہے کہ کل سپریم کورٹ رجسٹریز میں عمران خان پر حملے کی ایف آئی آر کیلئےدرخواست دائرکریں گے۔

انہوں مزید کہا کہ ہماری جماعت کے تمام ارکان قومی و صوبائی اسمبلی کل متعلقہ سپریم کورٹ رجسٹریز میں پیش ہوں گے، اراکین کی جانب سے دائر کی جانے والی درخواستوں میں سپریم کورٹ کی توجہ عمران خان پر ہونے والے قاتلانہ حملے کی ایف آئی آر ایک ہفتہ گزر جانے کے باوجود درج نا ہونے کی جانب مبذول کروائی جائے گی۔

فواد چوہدری نے کہا کہ پنجاب پولیس نے کسی دباؤ کے تحت ایف آئی آر درج کرنے سے انکار کیا تھا۔

Loading X post…
Open original post on X

پی ٹی آئی کے سینیٹر اعجاز چوہدری نے اپنے ٹویٹر بیان میں اس حوالےسے تفصیلا ت بتاتے ہوئےپی ٹی آئی کی جانب سے رکھے جانے والے مطالبات کی فہرست شیئر کی۔

ان مطالبات میں عمران خان پر حملے کی ایف آئی آر،ارشد شریف قتل کیس کی تحقیقات،اعظم سواتی پر تشدد اور ان کی ویڈیو سےمتعلق تحقیقات،سائفر کی سازش کی تحقیقات شامل ہیں۔

Loading X post…
Open original post on X

واضح رہے لانگ مارچ کے دوران گزشتہ ہفتےوزیرآباد میں جلسے کے دوران چیئرمین پاکستان تحریک انصاف پر ایک قاتلانہ حملہ ہوا تھا جس میں وہ زخمی ہوگئے تھے، واقعہ کےبعد مقدمے کے اندراج کیلئے پی ٹی آئی کی جانب سےدی گئی درخواست میں تین شخصیات کو نامزد کیا گیا تھا ، تاہم پنجاب پولیس نے اس درخواست پر مقدمہ درج کرنے سے انکار کرتے ہوئے 2 دن بعد ان ناموں کے علاوہ گرفتارملزم کو نامزد کرتے ہوئے ایف آئی آر درج کردی تھی جسےپی ٹی آئی نے مسترد کردیا تھا۔