روسی صدر ولادیمیر پیوٹن نے کہا ہے کہ "درمیانی ریاست کی کوئی اصطلاح نہیں ہوتی۔ یا تو ملک خودمختار ہوتا ہے یا پھر یہ کالونی بنا ہوتا ہے"۔
پیوٹن نے کہا کہ اس سے فرق نہیں پڑتا کہ جو ملک کالونی بنے ہوتے ہیں ان کو کیا کہا یا سمجھا جاتا ہے مگر ایسے ممالک کی کوئی تاریخ نہیں ہوتی۔ انہوں نے کہا کہ اگر کوئی ملک خودمختاری کے ساتھ اپنے فیصلے نہیں کر سکتا تو پھر اسے کالونی ہی کہا جائے گا۔
روسی وزارت خارجہ کی جانب سے جاری پیغام میں صدر ولادیمیر پیوٹن کا بیان جاری کیا جو کہ انہوں نے ماسکو میں نوجوان کاروباری افراد کے ایک گروہ سے گفتو کرتے ہوئے دیا تھا۔
روسی صدر نے خود کو پیٹر دی گریٹ کے ساتھ تشبیہ دیتے ہوئے 18ویں صدی میں ہونے والی سویڈن کی جنگ کا ذکر کیا اور کہا کہ کیا آپ کو لگتا ہے کہ سویڈن سے لڑ کر پیڑ کچھ حاصل کر رہا تھا؟ وہ وہاں سے کچھ حاصل نہیں کر رہا تھا بلکہ وہ تو پیچھے ہٹ رہا تھا۔
