lafze bayaan ka maada baa, yaa and noon hai. is ke bahot se maani hen. is ke maani main malumaat ka haasil karna hawaas ke zariye phir us per ghoro fiker karna aur nateeja nikaalna malumaat se aur phir us nateeje per darkaar amal ker ke us ka izhaar kerna waghera waghera shaamil hai. her shai bahot se tareequn se khud numayee kerti hai yaani apne wajood ka pata deti hai sirf insaan hi nahin.
her shai ya to kamil ho sakti hai ya naqis. kaamil shai khud ko kaamil tareeqe se zahir ya express kerti hai aur naaqis shai naaqis tareeqe se. kaamil insaan khud ko her kaamil shai se behtar express ker sakta hai. expression ya khudnumayee ke liye lawaazmaat ki kaamliyat laazmi hai warna jo kami ho gi woh khud bakhud zahir ho jaaye gi jab insaanu kisi baat ka kisi pehloo se izahaar kare ga. maslan agar kisi ki zabaan main nuqs ho to woh tgheek tareeqe se bol nahin sake ga. yahee maamla ho ga agar insaan saans lene main diqqat mehsoos kare ga kyunkeh saans ka bhi bolne per asar hota hai. voice box ya vocal cord main problem ho to woh bhi apna izhaar ker de ga.
albatta khudaa ne her shai apne apne maqsad ko poora kerne ke liye banayee hai jo woh poora ker rahee hai insaanu samait. insaan chaand per pohnch gayaa apni khudaa daad aqlo fiker se kaam le ker magar deegar jaandaar ashiyaa aisa nahin ker sakin khunkeh un main woh ehliyato salahiyat nahin hai us darje ki jo insaanu main hai. bolte to bahot se jaandaar hen kisi na kisi tareeqe se issi liye woh aapas main communicate kerte hen magar insaan main sochne ke liye her shai se behtar dimaagh hai. issi liye woh bade bade mansoobe banaa sakta hai aur un ko paayae takmeel tak pohnchaa sakta hai.