Advertisement

امیر قطر غزہ کے تاریخی دورے پر

امیر قطر غزہ کے تاریخی دورے پر






آخری وقت اشاعت: منگل 23 اکتوبر 2012 ,* 05:43 GMT 10:43 PST








121023112923_qatar_gaza_304x171_reuters_nocredit.jpg

قطر کے امیر نے غزہ کے لیے چار سو چون ملین ڈالر کے ایک تعمیراتی منصوبے کا اعلان کیا




قطر کے امیر شیخ حماد بن خلیفہ سنہ دو ہزار سات میں حماس کے برسرِ اقتدار آنے کے بعد کسی بھی ملک کے پہلے سربراہ مملکت ہیں جنہوں نے غزہ کا دورہ کیا ہے۔
قطر کے امیر شیخ حماد بن خلیفہ سخت سکیورٹی میں کار کے ذریعے مصر کی سرحد سے غزہ میں داخـل ہوئے۔ ان کا استقبال حماس کے وزیرِ اعظم اسماعیل ھنیہ نے کیا۔
قطر کے امیر نے غزہ کے لیے چار سو چون ملین ڈالرز کے ایک تعمیراتی منصوبے کا اعلان کیا۔
واضح رہے کہ عرب دنیا کا امیر ملک قطر شام کے صدر بشار الاسد کے زوال کے بعد حماس کے لیے آمدنی کا اہم ذریعہ بن کر ابھرا ہے۔
دوسری جانب فلسطینی اتھارٹی نے قطر کے امیر کے غزہ کے دورے کے حوالے سے تحفظات کا اظہار کیا ہے۔
بی بی سی کے نامہ نگار جان ڈانیسن کا کہنا ہے کہ قطر کے امیر کا دورۂ غزہ قطر اور حماس کے بڑھتے ہوئے تعلقات کو ظاہر کرتا ہے۔
یاد رہے کہ رواں برس فروری میں حماس حکومت کے سربراہ اسماعیل ھنیہ نے شام کی خراب صورتِ حال کے باعث اپنی سیاسی قیادت کو شام سے مصر اور قطر منتقل کرنے کا اعلان کیا تھا۔
حماس کا سیاسی بیورو سنہ انیس سو ننانوے تک دمشق میں کام کرتا رہا تاہم گزشتہ سال مارچ میں شامی صدر بشار الاسد کے خلاف شروع ہونے والے مظاہروں کے بعد ان کے تعلقات خراب ہو گئے۔
حماس حکومت کے سربراہ اسماعیل ھنیہ کی جانب سے شامی افراد کی حمایت کے اعلان نے صدر بشار الاسد کو ناراض کر دیا تھا۔
​
 
Advertisement
صہیونی حکومت نے غزہ پر مزید حملوں کی دھمکی دیتے ہوئے اعلان کیا ہے کہ وہ غزہ پر وسیع پیمانے پر حملے کی تیاری کر رہی ہے –فلسطین الیوم کی رپورٹ کے مطابق صہیونی وزیر اعظم بنیامین نتن یاہو نے آج غزہ کی سرحد کے قریب ہونیوالے بم دھماکے میں ایک صہیونی فوجی کے زخمی ہونے کو بہانہ بناکر کہا کہ اسرائیل غزہ پٹی پر حملہ کےلئے آمادہ ہورہا ہے –دوسری جانب صہیونی فوج کے سربراہ بنی گانتس نے بھی فوجی کمانڈروں کے اجلاس میں کہا ہے کہ غزہ پر وسیع حملہ یقینی ہے –ادھر غزہ پٹی پر صہیونی حکومت کے جنگی طیاروں کے کل کے حملے میں زخمی ہونیوالا ایک فلسطینی زخموں کی تاب نہ لاکر آج شہید ہوگیا-فلسطینی ذرائع کے مطابق غزہ پٹی پر صہیونی حکومت کے جنگی طیاروں کے کل ہونیوالے میزائل حملوں میں زخمی ہونیوالے 5 افراد میں سے ایک آج اسپتال میں شہید ہوگیا اور اس طرح اس حملے کے شہدا
کی تعداد 3 ہوگئی –

​
ff3ce7130254e395bd3508297e8e4e80_L.jpg

​
 
Advertisement
He is an American pithu sb koi chal hai iski Qatar is the only muslim country jis nay Libya Pay bambari ki even Saudis Jin k qadafi k sath shi relations nhi thy they refuse to do but is qatri American pithu nay Khul k is west ka sath diya