امریکی عدالت میں پاکستان نے نیشنل بینک آف پاکستان کے خلاف کیس میں فتح حاصل کرلی ہے۔
تفصیلات کے مطابق اٹارنی جنرل آف پاکستان کے آفس کی جانب سے جاری کردہ تفصیلات میں کہا گیا ہے کہ امریکی عدالت میں نیشنل بینک آف پاکستان کے خلاف دہشت گردی کی مالی معاونت کی فراہمی کے الزامات کا کیس کا فیصلہ ہوگیا ہے جس میں حکومت پاکستان کی فتح ہوئی ہے۔
اٹارنی جنرل آفس کے مطابق افغانستان میں چند سال قبل امریکی فوجی اڈے پر حملے کے حوالے سے پاکستان کے ریاستی بینک نیشنل بینک کے خلاف نیویارک کی ایک عدالت میں مالی معاونت فراہم کرنے کے الزامات عائد کرکے مقدمہ درج کیا گیا تھا۔
مقدمے کے دوران اگر نیشنل بینک پر عائد الزامات ثابت ہوجاتے اور پاکستان حکومت یہ کیس ہار جاتی تو اس صورت میں بھاری جرمانے کی سزا ہوسکتی تھی، اور یہ جرمانہ اتنا ہوسکتاتھا کہ نیشنل بینک دیوالیہ بھی ہوسکتا تھا اور پاکستان کو فیٹف کی جانب سے بھی شدید ردعمل برداشت کرنا پڑسکتا تھا۔
Loading X post…
Open original post on Xاس کیس میں اٹارنی جنرل آف پاکستان آفس کے انٹرنیشنل ڈسپیوٹ یونٹ کی قانونی ٹیم نے پاکستان کی نمائندگی کی، ٹیم کی سربراہی احمد عرفان نے کی اور انہیں نیشنل بینک کے صدر کی معاونت بھی حاصل رہی۔
- Featured Thumbs
- https://www.siasat.pk/data/files/s3/nbp111.jpg
Advertisement





