Advertisement

وزیر بلدیات سندھ ناصر شاہ کی طبعیت خراب، ابوظہبی میں زیر علاج

ذرائع کے مطابق سید ناصر حسین شاہ کی طبیعت اسلام آباد میں خراب ہوئی، جس کے بعد انہیں ابوظہبی منتقل کیا گیا، انہیں جگر کے علاج کے لیے مخصوص انجیکشن لگایا گیا، جس کے بعد ان کی طبیعت میں بہتری آئی ہے۔

ذرائع کا کہنا ہے کہ وہ خطرے سے باہر ہیں اور چند روز آرام کے بعد وطن واپس آئیں گے۔

دوسری جانب سید ناصر حسین شاہ کے صاحبزادے کمیل حیدر شاہ نے بتایا کہ ان کے والد بالکل خیریت سے ہیں، ان کے مطابق دبئی میں سید ناصر حسین شاہ کا معمولی آپریشن ہوا تھا اور اب ان کی طبیعت مکمل طور پر بہتر ہے۔

کمیل حیدر شاہ نے کہا کہ سید ناصر حسین شاہ طبیعت مزید بہتر ہونے پر چند روز بعد کراچی واپس آئیں گے۔

وزیر بلدیات سندھ ناصر حسین شاہ کی اسلام آباد میں طبیعت خراب ہوگئی۔

ذرائع کے مطابق وزیر بلدیات سندھ ناصر شاہ کی اسلام آباد میں طبیعت خراب ہوگئی، جنہیں تشویشناک حالت میں ابوظبی منتقل کیا گیا جہاں ناصر شاہ کی حالت خطرے سے باہر بتائی جارہی ہے۔

ذرائع کے مطابق صوبائی وزیر ناصر حسین شاہ کا آپریشن کردیا گیا، ناصر شاہ آئی سی یو میں زیر علاج ہیں۔
​