قومی اسمبلی تحلیل ہونے کے بعد آئین پاکستان کے آرٹیکل 224(1) اےکے تحت صدر مملکت نے وزیراعظم اور اپوزیشن لیڈر کے مشورے سے نگران وزیراعظم کی تعیناتی کرنی ہوتی ہے۔
صدر مملکت ڈاکٹر عارف علوی نے وزیراعظم شہبازشریف اور اپوزیشن لیڈر راجہ ریاض احمد کو 12 اگست تک نگران وزیراعظم کا نام دینے کیلئے خط لکھا تھا۔ صدر مملکت کے سماجی رابطوں کی ویب سائٹ ٹوئٹر پر اکائونٹ سے جاری بیان میں کہا گیا تھا کہ وزیراعظم اور اپوزیشن لیڈر راجہ ریاض احمد کو کل تک نگران وزیراعظم کا نام دینے کیلئے خط لکھ دیا ہے۔
Loading X post…
Open original post on Xوزیراعظم شہبازشریف کی طرف سے نگران وزیراعظم کی تقرری کے حوالے سے صدر مملکت کے خط پر ردعمل کا اظہار کیا گیا ہے۔ وزیراعظم شہبازشریف نے صحافیوں سے گفتگو کرتے ہوئے کہا کہ صدر صاحب کو آئین کی کتاب پڑھ لینی چاہیے، آئین کے مطابق نگران وزیراعظم کے تقرر کیلئے 8 دن کا وقت دیا گیا ہے تو صدر صاحب کو پتہ نہیں نگران وزیراعظم کے حوالے سے کس چیز کی جلدی ہے کہ خط لکھ دیا؟
شہبازشریف کا کہنا تھا کہ آئینی طور پر نگران وزیراعظم کی تقرری کیلئے 8 دن مقرر ہیں، امید ہے کل تک اپوزیشن لیڈر سے مشاورت کے بعد ایک نام پر اتفاق رائے کر لیا جائے گا۔12 اگست کل ہے، صدر صاحب کو انتظار کر لینا چاہیے تھے اور آئین کی کتاب پڑھ لیتے تو بہتر تھا، پتہ نہیں انہیں خط لکھنے کی جلدی کیا تھی؟ آج نگران وزیراعظم بارے اتحادی رہنمائوں سے مشاورت کروں گا۔
انہوں نے کہا کہ میرے 38 سالہ سیاسی سفر میں پچھلے 16 مہینے مشکل ترین تھےکیونکہ تحریک انصاف کی حکومت جاتے جاتے ہمیں بدحال معیشت، لاقانونیت، مہنگائی اور ناکام خارجہ پالیسی کے تحفے دے کر گئی۔ ہمارے مشکل فیصلے نہ کرنے پر ملک ڈیفالٹ کر جانا تھا جس سے افراتفری کا ماحول بن جاتا۔
وزیراعظم شہبازشریف نے انتخابات کے حوالے سے گفتگو کرتے ہوئے کہا کہ میری خواہش ہے کہ بروقت انتخابات کا انعقاد ہو۔اس موقع پر انہوں نے صحافیوں کو پاکستان الیکٹرانک میڈیا ریگولیٹری اتھارٹی (پیمرا) ترمیمی بل منظور ہونے پر مبارکباد بھی پیش کی۔
Loading X post…
Open original post on Xواضح رہے کہ قومی اسمبلی تحلیل ہونے کے بعد وزیراعظم شہبازشریف اور اپوزیشن لیڈر کے مابین نگران وزیراعظم کے نام پر اتفاق کیلئے کل 12 اگست تک کا وقت موجود ہے۔ 12 اگست تک اتفاق رائے سے دونوں رہنما کوئی فیصلہ نہ کر پائے تو یہ معاملہ سپیکر قومی اسمبلی کی طرف سے قائم کی گئی کمیٹی کو بھیجا جائے گا جسے نگران وزیراعظم کیلئے 3 دنوں کےا ندر کسی نام کو حتمی شکل دینا ہو گی۔
مقررہ مدت میں کمیٹی کی طرف سے فیصلہ نہ ہونے پر الیکشن کمیشن آف پاکستان کو نامزد امیدوار کے نام بھجوائے جاتے ہیں جسے 2 دنوں کے اندر حتمی فیصلہ کرنا ہوتا ہے۔ سیاسی حلقوں کے مطابق وزیراعظم شہبازشریف 14 اگست تک اپنے عہدے پر برقرار رہنا چاہتے ہیں تاکہ یوم آزادی کی پرچم کشائی تقریب میں بطور وزیراعظم شریک ہوں جس کے بعد نگران وزیراعظم اپنے عہدے کا حلف اٹھائیں گے۔
آئین پاکستان کے آرٹیکل 94 کے مطابق نگران وزیراعظم کی تقرری تک صدر مملکت وزیراعظم شہبازشریف کو نگران وزیراعظم کے عہدے پر فائز رہنے کو کہہ سکتے ہیں۔ عبوری حکومت کے سربراہ کے نام کا فیصلہ کرنے میں تاخیر کی وجہ کسی لیگی رہنما کو اس عہدے پر لانے کی خواہش بھی قرار دیا جا رہا ہے۔ ذرائع کے مطابق نوازشریف، آصف زرداری نگران وزیراعظم کی تقرری پر بات چیت "تیسرے فریق" کی مشاورت سے کر رہے ہیں۔
- Featured Thumbs
- https://www.siasat.pk/data/files/s3/7shhsavsalvi.jpg
Advertisement





