لاہور کی خصوصی عدالت نے مسلم لیگ ن کے صدر شہباز شریف اور حمزہ شہباز کے خلاف منی لانڈرنگ مقدمے کی روازنہ کی بنیاد پر سماعت کرنے کی وفاقی تحقیقاتی ادارے (ایف آئی اے) کی درخواست مسترد کرتے ہوئے ملزمان کو فرد جرم کی کارروائی کےلیے 25 مارچ کو طلب کرلیا۔
تفصیلات کے مطابق خصوصی عدالت کے جج اعجاز حسن اعوان نے شہباز شریف اور حمزہ شہباز کے خلاف منی لانڈرنگ مقدمے میں ایف آئی اے کی درخواست پر سماعت کی ، اس موقع پر شہباز شریف اور حمزہ شہباز سمیت دیگر ملزمان عدالت میں پیش ہوئے جبکہ شریک ملزم محمد عثمان کے وکیل کی عدم موجودگی پر عدالت نےسخت برہمی کا اظہار کیا ۔
حمزہ شہباز کے وکیل کے پیش نہ ہونے پر عدالت نے برہمی کا اظہار کیا ، عدالت نےوکیل کی عدم موجودگی کی وجہ دریافت کی تو اس پر حمزہ شہباز کے وکیل اعظم نذیر تارڑ کے جونیئر وکیل نے عدالت کو بتایا کہ وکیل اعظم نذیر تارڑ سپریم کورٹ میں مصروف ہیں ۔
ایف آئی اے عدالت نے کہا کہ اعظم نذیر تارڑ نے خود آج کیس رکھوایا تھا ۔ محمد عثمان کا وکیل کون ہے ، جونیئر نے جواب دیا کہ محمد عثمان کے وکیل اعظم نذیر تارڑ کی معاونت کر رہےہیں۔
عدالت نے ریمارکس دیئے کہ درخواستیں دائر کرکےخود غائب ہوگئے ہیں جبکہ میں یہاں بیٹھا تاریخیں دیتا رہتا ہوں، بحث کریں یا درخواست واپس لیں ، کیا میں بیٹھا رہوں ، کچھ نہ کروں اور صرف تاریخیں ہی دیتا رہوں ؟۔
شہباز شریف کے وکیل امجد پرویز نے موقف اختیار کیا کہ تفتیش کے دوران ایف آئی اے نے متعدد افراد سمیت 24 بنکرز کو شامل تفتیش کیا اور ان کے بیانات ریکارڈ کیے جن کی کاپیاں فراہم نہیں کی گئیں۔
جج نے استفسار کیا کہ کیا تفتیشی ٹیم نےبینک ملازمین کے بیانات قلمبند کئے َ، تفتیشی ٹیم کی جانب سے بتایا کہ بیانات قلمبند کئے مگر وہ چالان میں گواہ نہیں ہیں ۔
شہباز شریف کے وکیل نے بتایا کہ کچھ افراد کے جوڈیشل مجسٹریٹ میں بیانات ریکارڈ کرائے گئے ہیں ، چالان میں ان افراد کے بیانات کا ذکر تک نہیں ۔ایف آئی اے کی جانب سے بتایا گیا کہ جن افراد کے بیانات ہوئے وہ ہمارے گواہ نہیں ہیں ۔
شہباز شریف کے وکیل نے کہا کہ گواہ نہ بھی ہوں ، بیانات کی کاپیاں فراہم کرنا ایف آئی اے کی ذمہ داری ہے ۔
- Featured Thumbs
- https://www.siasat.pk/data/files/s3/maulan11i1i.jpg
Advertisement





