Advertisement

لاہور کے اسپتالوں میں کینسر سے بچاؤ کی جعلی ادویات کا انکشاف

nIL9eI4o

ڈرگ ریگولیٹری اتھارٹی پاکستان (ڈریپ) نے انکشاف کیا ہے کہ لاہور کے اسپتالوں میں استعمال ہونے والی کینسر سے بچاؤ کی 2 ادویات جعلی ثابت ہوئی ہیں۔


ڈریپ حکام کے مطابق جعلی ادویات کی نشاندہی لاہور کے طبی ماہرین نے کی، جس کے بعد معاملے کی باقاعدہ جانچ پڑتال شروع کی گئی۔ تحقیقات کے دوران ادویات کی پیکنگ، لیبلنگ اور بارکوڈ میں سنگین تضادات سامنے آئے، جس پر حکام نے فوری کارروائی کرتے ہوئے مزید تحقیقات کا آغاز کر دیا۔

Loading X post…
Open original post on X

حکام کا کہنا ہے کہ دونوں ادویات اصل کمپنی کی تیار کردہ نہیں تھیں، جبکہ متعلقہ غیر ملکی کمپنی نے بھی ان ادویات کے جعلی ہونے کی تصدیق کر دی ہے۔


ڈریپ کے مطابق جعلی ادویات کی سپلائی چین، ان کی ترسیل میں ملوث عناصر اور ذمہ دار افراد کا تعین کرنے کے لیے تحقیقات جاری ہیں۔ حکام نے اسپتالوں اور طبی مراکز کو مشتبہ ادویات کے استعمال سے متعلق محتاط رہنے کی ہدایت بھی کی ہے۔
Loading X post…
Open original post on X