Advertisement

عمران کی جاری کردہ تصویر میں قائد اور اقبال کیساتھ کون؟

535162_2848482_updates.jpg

پاکستان تحریک انصاف کے چیئرمین اور متوقع وزیر اعظم عمران خان نے سوشل میڈیا پر ایک تصویر جاری کی ہے جس میں قائد اعظم اور علامہ اقبال کیساتھ ان کے رشتہ دار موجود ہیں۔

عمران خان نے اپنے ٹوئٹر اکائونٹ پر تصویر شیئر کرتے ہوئے لکھا کہ ’لندن میں 1932 میں منعقد ہونے والی گول میز کانفرنس کی تاریخی تصویر میں قائد اعظم اور علامہ اقبال کیساتھ میرے خالو ڈاکٹر جہانگیر خان اور میری والدہ کے چچا زمان خان (جن کے نام سے زمان پارک منسوب ہے) بھی دیکھے جاسکتے ہیں۔‘

Loading X post…
Open original post on X

اس کے علاوہ عمران خان نے ایک اور پوسٹ جاری کیا ہے جس میں انہوں نے عوام کے لیے جشن آزادی کے حوالے ایک پیغام لکھا کہ ’14 اگست 2018: اس یوم آزادی پر میرے دل میں امید کا ایک عظیم چراغ روشن ہے۔‘

انہوں نے مزید لکھا کہ اقربا پروری اور بدعنوانی کے باعث ملکی معیشت کو سنگین بحران کا سامناضرور ہے تاہم مجھے یقین ہے کہ اگر ہم نے اتحاد کا دامن تھامے رکھا تو اپنی منزل پالیں گے اور پاکستان قائد و اقبال کے خوابوں کی تعبیر بنے گا۔

Loading X post…
Open original post on X

پاکستان کے متوقع وزیراعظم عمران خان نے کچھ روز قبل عوام سے درخواست کرتے ہوئے کہا تھا کہ وہ اس سال یوم آزادی منائیں کیونکہ ہم نئے پاکستان کے قیام کی منزل کی جانب گامزن ہیں۔

اپنے ٹوئٹ میں عمران خان نے لکھا کہ ’میں چاہتا ہوں کہ پوری قوم 14 اگست کو خصوصی طور نہایت اہتمام اور بھرپور جوش و جذبے سے ’یوم آزادی‘ منائے کیونکہ ہم نئے پاکستان کے قیام کی منزل کی جانب گامزن ہیں جس میں قائد کے خواب کو تعبیر ملے گی، انشاءاللہ۔‘

https://jang.com.pk/news/535162#_

​

​

​

​







​
 
Advertisement
Advertisement
عظیم لوگوں کو قوم ہمیشہ فخر کی نگاہ سے ہی دیکھتی رہے گی اور غلیظ لوگ اب جو مرضی کر لیں اِن کو عزت ملنے والی نہیں کیونکہ اللہ نے کئی لوگوں کو تین دفعہ پورے پاکستان کی اور متعدد بار پنجاب کی حکومت عطا فرمائی لیکن غلیظ اور دھوکے باز لوگوں کو اللہ کی عطا کی ہوئی عزت راس نہ آئی۔ اب نئے آنے والوں کو یہ سوچ کر چلنا ہو گا کہ پاکستان نے تو انشااللہ تاقیامت قائم و دائم رہنا ہے لیکن جس نے بھی اِس مملکتِ خداداد کے ساتھ غداری کی وہ ہمیشہ کے لیے ذلیل و خوار ہو جائے گا۔ اللہ تعالی کپتان کو ہمت اور طاقت عطا فرمائے اِن ملک دشمن عناصر سے مقابلہ کرنے کی۔ آمین