سندھ ہائیکورٹ نے عمران خان کی تقاریر اور سیاسی سرگرمیاں میڈیا پر نشر کرنے پر پابندی کے پیمرا کے احکامات کو معطل کر دیا ہے۔
عدالت نے پیمرا آرڈر کو غیر آئینی قرار دے دیا ہےاور کہا ہے کہ پیمرا کا عمران خان کی تقاریر یا سیاسی سرگرمیوں پر پابندی لگانا آئین کے آرٹیکل 10اے کی خلاف ورزی ہے
عدالت نے فیصلہ تحریر کرتے ہوئے کہا ہے کہ آزادی اظہار ایسا بنیادی حق ہے کہ جس کے بغیر کوئی اور حق حاصل ہی نہیں کیا جا سکتا، آزادی اظہار کا حق تمام دیگر انسانی حقوق کا ضامن ہے۔
عدالت نے مزید کہا کہ اس حق کی اعلیٰ ترین اہمیت ہی یہ ہے کہ اسے اقوام متحدہ کے انسانی حقوق کے باب میں شامل کیا گیا ہے۔
عدالت نے قرار دیا کہ نامناسب اور دباؤ پر مبنی کریک ڈاؤن کر کے درخواست گزار کے تنظیم سازی کے حق کو پائمال کیا گیا ہے۔
وکیل درخواست گزار بیرسٹر علی طاہر کا کہنا تھا کہ پیمرا کا حکم قانون کے لحاظ سے برا ہے کیونکہ یہ ایک سیاسی جماعت کو نشانہ بنانے کے لیے لگایا گیا تھا، پیمرا کے چیئرمین نے پیمرا بورڈ اور کونسل آف کمپلائنس کے کورم کو نظر انداز کرتے ہوئے تنہا حکم جاری کیا۔
درخواست گزار کے وکیل نے کہا کہ حکم امتناعی کے دوران پی ٹی آئی چیئرمین اور اراکین کو نہیں سنا گیا۔
بیرسٹر علی طاہر نے کہا کہ پیمرا کا حکم اسلامی جمہوریہ پاکستان، 1973 کے آئین کے آرٹیکل 19 اور 19-A میں موجود آزادی اظہار اور معلومات کی آزادی کے دوہری حقوق کی خلاف ورزی کرتا ہے۔
- Featured Thumbs
- https://www.siasat.pk/data/files/s3/ik-ph11i31.jpg
Advertisement





