عام انتخابات کیلئے نادرا کی جانب سے تیار کردہ انتخابی فہرستوں میں سنگین غلطیوں کا انکشاف ہوا ہے۔
تفصیلات کے مطابق نیشنل ڈیٹا بیس اینڈ رجسٹریشن اتھارٹی(نادرا) کی جانب سے تیار کردہ عام انتخابات میں ووٹرز کی انتخابی فہرستوں میں سنگین قسم کی غلطیاں سامنے آئی ہیں، کچھ اضلاع میں مردوخواتین ووٹرز کے تصویری الیکٹورل رول میں غلطیاں دیکھی گئی ہیں ۔
رپورٹ کے مطابق نادرا کی جانب سے جاری کردہ فہرستوں میں سے 4 اضلاع کی فہرستیں ایسی ہیں جن میں مردوں کی انتخابی فہرستوں میں خواتین جبکہ خواتین کی انتخابی فہرستوں میں مردوں کے نام شامل کردیئے گئے ہیں،یہ اضلاع کوئٹہ، ٹنڈو اللہ یار، شمالی وزیرستان اور اورکزئی کے ہیں جہاں کی انتخابی فہرستوں کے الیکٹورل رول میں خواتین ووٹرز کو مردوں جبکہ مرد ووٹرز کو خواتین ووٹرز کے الیکٹورل رول میں شامل کیا گیا ہے۔
Loading X post…
Open original post on Xکوئٹہ اور اورکزئی کے اضلاع میں مرد ووٹرز کو خواتین کی انتخابی فہرستوں میں شامل کیا گیا ہے،اگر انتخابی فہرستوں کی تصحیح نا کی گئی تو مردووٹرز کو خواتین ووٹرز کے ساتھ ووٹ کاسٹ کرنا ہوگا۔
الیکشن کمیشن نے نادرا کی اس غلطی کی نشاندہی ہونے کے بعد نادراکو انتخابی فہرستوں کو درست کرنے کی ہدایات جاری کردی ہیں اور کہا ہے کہ انتخابی فہرستوں میں غلط اندراج سے ووٹرز کو انتخابی عمل میں مسائل کا سامنا کرنا پڑسکتا۔
- Featured Thumbs
- https://www.siasat.pk/data/files/s3/sangh11231.jpg
Advertisement





