- Joined
- Sep 2, 2014
- Posts
- 1,239
- Reaction score
- 1,042
- Points
- 113
سابق وزیراعظم میاں نوازشریف نے کہا ہے کہ ''صرف وزیراعظم کو کیوں دبوچتے ہو‘ کسی اور کا گلا بھی پکڑو‘‘ خاص طور پر وہ لوگ جو میثاق جمہوریت سے بھی مُکر گئے ہیں اور بات بھی سنُنے کو تیار نہیں۔ انہوں نے کہا کہ ''ڈکٹیٹر بھی وزیراعظم کو پکڑتا ہے اور جج بھی وزیراعظم کو پکڑتے ہیں‘‘ شاید اس لیے کہ اور تو کوئی وزیراعظم کو پکڑ ہی نہیں سکتا۔ انہوں نے کہا کہ '' فیصلے سے مُلک کا ستیاناس ہو گیا‘‘ حالانکہ یہی کام ہم نہایت خوش اسلوبی سے کر رہے تھے۔ انہوں نے کہا کہ ''میں وہی ہوں جس نے مُلک کو ایٹمی قوت بنایا‘‘ اگرچہ اس کی بنیاد ذوالفقار علی بھٹو نے رکھی تھی اور اس کا تجربہ کرتے وقت میری تو ٹانگیں بُری طرح کانپ رہی تھیں کیونکہ امریکہ سے فون پر فون آ رہے تھے لیکن فوج نے دھماکہ کر کے دکھا دیا جس میں میرا کوئی قصور نہیں تھا‘ اگر کوئی ہے تو بتایا جائے‘ ہیں جی؟ انہوں نے کہا کہ ''دھرنوں کے سوا یہاں بات نہیں ہوتی‘‘ اور یہ آخری دھرنا اگرچہ ہم نے خود کرایا تھا لیکن یہ کم بخت ہمارے گلے ہی پڑ گیا۔ آپ اگلے روز لندن میں صحافیوں سے گفتگو کر رہے تھے۔
http://dunya.com.pk/index.php/author/zafar-iqbal/2017-12-07/21576/51052718





