پاکستان تحریک انصاف کے مرکزی رہنما فواد چوہدری نے دعویٰ کیا ہے کہ پنجاب میں 200 سے زائد پی ٹی آئی اراکین اور ٹکٹ ہولڈرز پر محکمہ اینٹی کرپشن کے ذریعے دباؤ ڈالا جارہا ہے۔
مائیکروبلاگنگ ویب سائٹ ٹویٹر فواد چوہدری نے کہا کہ پہلے اسلام آباد اور اب سرگودھا میں پی ٹی آئی کے خلاف کریک ڈاؤن شروع ہوچکا ہے، رات گئے سرگودھا میں پی ٹی آئی کے پانچ یونین کونسلرز کے گھروں پر چھاپے مارے گئے ، اس دوران چار کو گرفتار کرلیا گیا۔
انہوں نے مزید کہا کہ پی ٹی آئی سرگودھا اسامہ میلہ کے مطابق شہر میں پی ٹی آئی رہنماؤں کے خلاف کریک ڈاؤن عدلیہ سے یکجہتی کی ریلی کے بعد شروع ہوا۔
Loading X post…
Open original post on Xفواد چوہدری کا مزید کہنا تھا کہ محکمہ اینٹی کرپشن پنجاب کی جانب سے پی ٹی آئی کے 200 سے زائد ارکین اور ٹکٹ ہولڈرز کو نوٹسز بھجوائے گئے ہیں، اینٹی کرپشن کا مطالبہ ہے کہ ٹکٹ ہولڈرز اور مقامی رہنما پی ٹی آئی سے لاتعلقی کا اعلان کریں، ہم اس فسطائیت کا ڈٹ کر مقابلہ کریں گے اور اس فسطائی سرکار کو مکمل شکست دیں گے، انشااللہ۔
قبل ازیں پاکستان تحریک انصاف کے جنرل سیکرٹری اسد عمر نے بھی اس حوالے سے جاری کردہ اپنے بیان میں کہا تھا کہ گزشتہ روز پی ٹی آئی کی عدلیہ سے اظہار یکجہتی کیلئے نکالی گئی ریلی کے بعد پی ٹی آئی ورکرز کے گھر چھاپے مارے جارہے ہیں، اب تک 38 افراد کو گرفتار کرلیا گیا ہے، مجھ سمیت اسلام آباد سے پی ٹی آئی کے تینوں اراکین قومی اسمبلی پر مقدمات درج کرلیے گئے ہیں۔
انہوں نے مزید کہا کہ ہم پر جس "گھناؤنے جرم " کے تحت مقدمات درج کیے جارہے ہیں وہ بس اتنا ہے کہ ہم نے کہا ہے کہ ہم آئین و عدلیہ کے ساتھ کھڑے ہیں۔
Loading X post…
Open original post on X- Featured Thumbs
- https://www.siasat.pk/data/files/s3/13fawadclalsargdhahaha.jpg
Advertisement





