حکام تحمل کا مظاہرہ کریں اور اس بات کو یقینی بنائیں کے ان کا ردعمل انسانی حقوق کے بین الاقوامی قوانین کے مطابق ہو: ٹویٹر پیغام
انسانی حقوق کیلئے کام کرنے والی بین الاقوامی تنظیم ایمنسٹی انٹرنیشنل سائوتھ ایشیا نے سابق وزیراعظم وچیئرمین تحریک انصاف عمران خان کی گرفتاری کے حوالے سے اپنا پیغام جاری کر دیا۔ ایمنسٹی انٹرنیشنل نے ٹویٹر پیغام میں لاہور کی غیرمستحکم صورتحال پر تشویش کا اظہار کرتے ہوئے کہا ہے کہ پاکستانی حکام کو چاہیے کہ وہ بین الاقوامی انسانی حقوق کے قوانین کے مطابق امن وامان کو برقرار رکھیں۔
Loading X post…
Open original post on Xایمنسٹی انٹرنیشنل نے پیغام میں لکھا کہ: ہمارا متعلقہ حکام سے مطالبہ ہے کہ وہ اس معاملے میں تحمل کا مظاہرہ کریں اور اس بات کو یقینی بنائیں کے ان کا ردعمل انسانی حقوق کے بین الاقوامی قوانین کے مطابق ہو۔
Loading X post…
Open original post on Xواضح رہے کہ لاہور ہائیکورٹ فواد چوہدری کی درخواست پر زمان پارک میں پولیس آپریشن فوری روکنے کا حکم دے چکی ہے جبکہ اسلام آباد ہائیکورٹ کے چیف جسٹس عمر فاروق نے سابق وزیر اعظم وچیئرمین پی ٹی آئی عمران خان کے وارنٹ معطل کرنے سے متعلق درخواست پر 5 صفحات پر مشتمل محفوظ فیصلہ جاری کرتے ہوئے حکم دیا ہے کہ عمران خان بیان حلفی ٹرائل کورٹ میں پیش کریں اور بیان حلفی کو دیکھ کر ٹرائل کورٹ قانون کے مطابق فیصلہ کرے۔
علاوہ ازیں ایمنسٹی انٹرنیشنل نے گزشتہ پانچ برسوں میں 30 سے زائد ممالک میں تحقیق کے بعد اپنی نئی رپورٹ ’مائی آئی ایکسپلوڈِڈ‘ میں کہا ہے کہ پرامن مظاہرین کے خلاف دنیا بھر میں آنسو گیس اور ربڑ کی گولیوں کا استعمال معمول بن چکا ہے۔ آنسو گیس، ربڑ کی گولیوں کے استعمال سے بہت سے شہریوں کی آنکھوں کو نقصان کے علاوہ اموات بھی رپورٹ ہو چکی ہیں اس لیے پرامن مظاہرین کے خلاف بہتر اقدامات کیے جائیں اور مہلک ہتھیار استعمال نہ کیے جائیں۔
Advertisement





