- Joined
- Dec 26, 2014
- Posts
- 10,923
- Reaction score
- 7,750
- Points
- 218
صوبائی ڈیزاسٹر منیجمنٹ اتھارٹی (پی ڈی ایم اے) نے دریائے راوی، ستلج، چناب میں پانچ ستمبر تک انتہائی اونچے درجے کے سیلاب کا خدشہ ظاہر کردیا ہے۔
ذرائع کے مطابق گنڈا سنگھ پر اونچے درجے کا سیلاب برقرار ہے۔ تین ستمبر تک دریاؤں کے بالائی حصوں میں بارشوں کا امکان بھی ظاہر کیا گیا ہے جس کے باعث لاہور، گوجرانوالہ اور گجرات میں اربن فلڈنگ کا خطرہ ہے۔
Loading X post…
Open original post on Xادرھ دریائے چناب کی تباہ کاریاں بھی جاری ہیں۔ طوفانی ریلے سیکڑوں بستیاں ڈبونے کے بعد جھنگ جا پہنچے جس کے نتیجے میں 200 دیہات زیر آب آگئے۔
مظفر گڑھ کے مقام پر پانی کی سطح میں مسلسل اضافہ ہوا ہے۔ چنیوٹ کی تحصیل بھوانہ میں درجنوں بستیاں زیر آب آگئیں، شجاع آباد میں فصلوں میں پانی داخل ہوگیا ہے، جبکہ تریموں ہیڈ ورکس پر آٹھ سے نولاکھ کیوسک کا آبی ریلا گزر رہا ہے جس کے باعث 400 سے زائد دیہات متاثر ہونے کا خدشہ ہے۔
وہیں بھارت کی آبی جارحیت سے پنجاب کے نو اضلاع میں صورتحال سنگین ہونے کا خدشہ ہے۔ دریائے ستلج میں مزید پانی آنے سے قصور، اوکاڑہ، بہاولنگر اور پاکپتن متاثر ہوں گے۔
پی ڈی ایم اے نے خبردار کرتے ہوئے کہا کہ وہاڑی، لودھراں، بہاولپور اور ملتان میں بھی صورتحال بگڑسکتی ہے۔ نیناکوٹ پر پانی چھوڑنے کے بعد ریلا جسڑ اور شکرگڑھ کی جانب بڑھنے لگا۔
دریائے راوی میں ماڑی پتن پر پانی کی سطح مزید بلند ہوگئی ہے۔ ہیڈ بلوکی اور سدھنائی کے مقام پر بھی بڑا ریلا ہے۔ ساہیوال میں اورنگ آباد کا بند ٹوٹنے سے درجنوں دیہات زیر آب آگئے ہیں۔
Source
لاہور: (دنیا نیوز) چناب، راوی اور ستلج نے تباہی کی نئی داستانیں رقم کردیں،،سیلابی پانی میں ڈوب کر اموات کی تعداد 41 ہو گئی۔
پی ڈی ایم اے کے جاری کردہ اعداد و شمار کے مطابق پنجاب میں سیلابی صورتحال سے 3 ہزار 129 دیہات متاثر ہوئے، ریلوں نے 24 لاکھ 8 ہزار آبادی کو متاثر کیا، مختلف مقامات پر 390 فلڈ ریلیف اور 389 میڈیکل کیمپس قائم کر دیئے گئے، ہزاروں متاثرہ خاندانوں کو پناہ فراہم کی گئی۔
متاثرہ علاقوں سے بڑے پیمانے پر انخلا، 9 لاکھ 32 ہزار 323 افراد کو محفوظ مقامات پر منتقل کیا گیا، 6 لاکھ 48 ہزار 62 مویشیوں کو سیلاب متاثرہ علاقوں سے نکالا گیا، چناب نے سب سے زیادہ 1 ہزار 578 دیہات کو متاثر کیا۔
پی ڈی ایم اے کے جاری اعداد و شمار میں بتایا گیا کہ راوی کے سیلاب سے 1 ہزار 33 اور ستلج کے 518 مواضع متاثر ہوئے۔
Source
Last edited by a moderator:





