Advertisement

خود کشیاں کرنے والےافسران: 2011ء سے اب تک پانچ سی ایس پی افسران کی خود کشیاں

527875_45796072.jpg


لاہور: (دنیا نیوز) خود کشیاں کرنے والے ان افسران میں ایس ایس پی شہزاد، اکاؤنٹس گروپ کی خاتون افسر نبیہہ، ڈی پی او جہانزیب کاکڑ، ڈپٹی کمشنر سہیل جبکہ ایس ایس پی ابرار حسین نیکوکارہ شامل ہیں۔

گزشتہ روز پولیس ٹریننگ سکول روات کے پرنسپل ایس ایس پی ابرار حسین نیکوکارہ نے خود کو گولی مار کر زندگی کا خاتمہ کر لیا تھا، ان کے اس اقدام کو گھریلو جھگڑے کی وجہ قرار دیا جا رہا ہے۔

CSP-officers-sucide3.jpg


ان سے قبل 2011ء میں ایس ایس پی شہزاد، 2014ء میں اکاؤنٹس گروپ کی نبیہہ، 2016ء میں ڈی پی او جعفر آباد جہانزیب کاکڑ اور 2018ء میں ڈپٹی کمشنر سہیل کی لاش ڈی سی ہاؤس سے ملی لیکن اب تک ان افسران کی خود کشیوں کی وجوہات سامنے نہیں آ سکی ہیں۔

بلوچستان میں ڈی پی او جعفر آباد جہانزیب خان کاکڑ نے مبینہ طور پر اپنے دفتر میں خودکشی کی تھی۔ ڈی سی گوجرانوالہ سہیل ٹیپو پراسرار حالات میں اپنی سرکاری رہائشگاہ پر مردہ حالت میں پائے گئے تھے۔ ڈی پی او ننکانہ شہزاد وحید نے بھی مبینہ طور پر اپنے کمرے میں خود کشی کی تھی۔

CSP-officers-sucide4.jpg


پولیس نے آڈٹ اینڈ اکاؤنٹس انسٹی ٹیوٹ میں سی ایس پی افسر نبیہہ کی ہلاکت کی تفتیش مکمل کرتے ہوئے اسے بھی خود کشی قرار دیا تھا۔ وہ ہاسٹل میں رپائش پذیر تھیں اور آگ لگنے سے ہلاک ہو گئی تھیں۔

نبیہہ چودھری کے اہلخانہ کا کہنا تھا کہ انہیں قتل کیا گیا۔ ان کی والدہ کے اصرار پر نامعلوم افراد کے خلاف قتل کا مقدمہ بھی درج کر لیا گیا تھا۔ تاہم پولیس نے تمام شواہد کا جائزہ لینے کے بعد نبیہہ کی موت کو خود کشی قرار دیدیا۔

CSP-officers-sucide5.jpg


خیال رہے کہ گزشتہ روز پولیس افسر ابرار نیکوکارہ نے گھریلو ناچاقی پر خود کشی کر لی تھی۔ مرحوم پولیس ٹریننگ کالج روات میں پرنسپل کے عہدے پر تعینات تھے۔ ذرائع کا کہنا ہے کہ گھریلو ناچاقی ایس ایس پی ابرار نیکوکارہ کی خود کشی کا باعث بنی۔

CSP-officers-sucide6.jpg


ایس ایس پی میاں ابرار حسین نیکوکارہ سی ٹی او فیصل آباد اور ڈی پی او خوشاب بھی تعینات رہے۔ نومنتخب جنرل سیکرٹری بار ایسوسی ایشن چنیوٹ میاں عرفان نیکوکارہ مرحوم کے بھائی ہیں۔

ابرار حسین نیکوکارہ کا نماز جنازہ ادا کر دیا گیا ہے۔ ان کا نماز جنازہ چنیوٹ کے علاقے ٹھٹھہ کرم شاہ میں پڑھایا گیا جس میں ڈی پی او چنیوٹ سمیت اعلیٰ پولیس افسران کی شرکت کی۔ بعد ازاں میت کو لاہور روڈ ہرسہ شیخ ٹھٹھہ کرم شاہ میں پولیس کی جانب سے سلامی پیش کرتے ہوئے ان کے آبائی علاقہ میں سپرد خاک کر دیا گیا۔
​


 
Honest officers feel society and family pressure to maintain the living standards. Most of the time wife and children say that your junior officers and their families enjoy luxurious life but we have limited resources. In our society people don't care about halal and haram money. More respect is given to corrupt mafia