وفاقی حکومت نے سپریم کورٹ کے از خود نوٹس اختیارات کے بعد توہین عدالت کے قانون میں بھی تبدیلیوں کی تیاریاں شروع کردی ہیں۔
خبررساں ادارے اے آروائی نیوز کی رپورٹ کے مطابق وفاقی حکومت نے توہین عدالت سے متعلق قانون کو تبدیل کرنے کیلئےوزارت قانون کو آئین کے آرٹیکل 204 کے تحت ترمیم پیش کرنے کی ہدایت دیدی گئی ہیں۔
رپورٹ کے مطابق وزارت قانون کی جانب سے تیار کردہ بل پارلیمنٹ سے منظور کروایا جائے گا، ذرائع کا دعویٰ ہے کہ الیکشن کمیشن کو سپریم کورٹ کے حکم کی روشنی میں فنڈز کی فراہمی اور سیکیورٹی نا دینے کے بعد حکومت نے توہین عدالت سے بچنے کیلئے قانون میں تبدیلی کا فیصلہ کیا ہے۔
Loading X post…
Open original post on Xوزارت قانون کے مطابق آئین کے آرٹیکل 204 میں توہین عدالت سے متعلق اختیارات واضح کیے گئے ہیں، پارلیمنٹ دو تہائی اکثریت سے توہین عدالت کے قانون میں تبدیلی کرسکتی ہے۔
یادرہے کہ سپریم کورٹ کے تین رکنی بینچ نے پنجاب میں 14 مئی کو انتخابات کروانے کا حکم دیتے ہوئے وفاقی حکومت کو 10 اپریل تک الیکشن کمیشن کو 21 ارب روپے کے فنڈز جاری کرنے کی ہدایات دی تھیں، الیکشن کمیشن کو فنڈز کی دستیابی سے متعلق 11 اپریل کو سپریم کورٹ میں جواب جمع کروانا ہے۔
Advertisement





