سپریم کورٹ کے جج جسٹس طارق مسعود کے خلاف شکایات متفقہ طور پرخارج کرنے سے متعلق سپریم جوڈیشل کونسل نے اعلامیہ جاری کردیا ہے۔
تفصیلات کے مطابق سپریم جوڈیشل کونسل نے خاتون وکیل آمنہ ملک کی جانب سے جسٹس سردار طارق مسعود کے خلاف دائر درخواستیں متفقہ طور پر خارج کردی ہیں، سپریم جوڈیشل کونسل کی جانب سے ایک اعلامیہ بھی جاری کیا گیا ہے جس میں کہا گیا ہے کہ شکایت کنندہ جسٹس طارق مسعود کے خلاف شکایت پر تسلی بخش جوابات نہیں دے سکیں، شکایت کنندہ نے تسلیم کیا کہ دستاویزات دیکھنے کے بعد ان کی شکایت تسلی بخش نہیں تھی۔
جوڈیشل کونسل کے اجلاس میں جسٹس طارق مسعود نے موقف اپنایا کہ شکایت کے ذریعے انہیں عوامی سطح پر بدنام کرنے کی کوشش کی گئی ہے، شکایت کنندہ آمنہ ملک اوران کے وکیل اظہر صدیق کے خلاف کارروائی کی جائے، جودیژل کونسل نے جسٹس طارق مسعودکو بدنام کرنے پر درخواست گزار کے وکیل کو نوٹس جاری کردیاگیا ہے۔
اعلامیہ میں کہا گیا ہے کہ جسٹس طارق مسعود نے بتایا کہ وکیل اظہر صدیق نے شکایت کو سوشل میڈیا پر شیئر کرکے ان کی ساکھ کو مجروح کیا جس پر جوڈیشل کونسل نے اظہر صدیق کو نوٹس جاری کرکے 7 روز میں جواب طلب کرلیا ہے اور استفسار کیا کہ اظہر صدیق شکایت کو سوشل میڈیا پر شیئر کرنے کی وضاحت دیں، سوشل میڈیا پر شکایت شیئر کرنے پر وکیل کے خلاف کارروائی کیوں نا کی جائے؟
جوڈیشل کونسل نے اعلامیہ میں کہا ہے کہ جسٹس طارق مسعود کے خلاف تضحیک آمیز شکایت دائر کرنے پر آمنہ ملک کے خلاف کارروائی کا فیصلہ بعد میں کیا جائے گا۔
- Featured Thumbs
- https://www.siasat.pk/data/files/s3/tarim1h11h31.jpg
Advertisement





