Advertisement

بھارت کا حافظ سعید کی حوالگی کا مطالبہ،دفتر خارجہ کا ردعمل آ گیا

14haffseeddfrhhhdd.png

بھارت اور پاکستان کے مابین ملزمان کی دوطرفہ حوالگی کا کوئی معاہدہ نہیں ہے: ممتاز زہرا بلوچ

دفتر خارجہ پاکستان کی طرف سے سربراہ کالعدم جماعت الدعوۃ حافظ سعید کی حوالگی کے حوالے سے بھارتی مطالبے کی تصدیق کر دی گئی ہے۔ ذرائع کے مطابق دفتر خارجہ کی ترجمان ممتاز زہرا بلوچ نے تصدیق کی ہے کہ بھارت کی طرف سے حافظ سعید کی حوالگی بارے درخواست پاکستان کو دی گئی ہے۔ ترجمان کے مطابق بھارت کی طرف سے درخواست نام نہاد منی لانڈرنگ کیس میں دی گئی ہے۔

ترجمان دفتر خارجہ ممتاز زہرا بلوچ نے سربراہ کالعدم تنظیم جماعت الدعوۃ حافظ سعید کی حوالگی کے حوالے سے بھارتی مطالبے پر ردعمل دیتے ہوئے کہا کہ بھارت کی طرف سے حافظ سعید احمد کو بھارت کے حوالے کرنے کی درخواست کی گئی ہے لیکن یہاں یہ بات واضح کرنی ضروی ہے کہ بھارت اور پاکستان کے مابین ملزمان کی دوطرفہ حوالگی کا کوئی معاہدہ نہیں ہے۔


واضح رہے کہ ترجمان بھارتی وزارت خارجہ ارندم باغچی نے میڈیا سے گفتگو کرتے ہوئے کہا تھا کہ حافظ سعید کو 2008ء کے ممبئی حملوں میں ملوث ہونے کے شبہ میں ٹرائل کے لیے بھارت کے حوالے کرنے کی باضابطہ طور پر درخواست دی ہے۔ ان کا کہنا تھا کہ ہم نے درخواست متعلقہ معاون دستاویزات کے ساتھ پاکستان کو دی جا چکی ہے۔


یاد رہے کہ گزشہ برس اپریل میں سربراہ کالعدم جماعت الدعوۃ کو لاہور کی انسداد دہشت گردی عدالت کے جج اعجاز احمد بٹر کی طرف سے غیرقانونی فنڈنگ کے 2 مقدمات میں مجموعی طور پر 31 سال قید اور 3 لاکھ 40 ہزار روپے جرمانہ کی سزا سنائی گئی تھی۔
 
Waise bhi Hafiz Saeed hay kis kaam ka? This man can't even walk properly, sends other people's kids to fight and die in proxy wars. Kashmir, Palestine, kidhar in Maullahoun nay azaadi hasil kari?
Elections may bhi harta hay JuD chief. Trust me, Indians too won't like to get him in their custody. Votes batorne ka scene lugta hay. Agar de bhi diya tau 26/11 baghair kissi local support ke ho kaise gaya? Sab expose hoonge.