بجلی کے صارفین کے لیے ایک مثبت پیش رفت کے طور پر اکتوبر کے فیول کاسٹ ایڈجسٹمنٹ کے تحت بجلی کی قیمت میں 1 روپے 14 پیسے فی یونٹ کمی کی گئی ہے، تاہم حکومت نے صارفین کو 18 پیسے فی یونٹ اضافی ریلیف فراہم نہیں کیا۔
صارفین کو 18 پیسے فی یونٹ ریلیف فراہم نہ کرنے کی بنیادی وجہ بگاس پاور پلانٹس کو 1 ارب 69 کروڑ روپے کی ادائیگیاں ہیں، جن کی منظوری نیپرا (نیشنل الیکٹرک پاور ریگولیٹری اتھارٹی) نے دی ہے۔
سی پی پی اے (سینٹرل پاور پرچیزنگ ایجنسی) نے بگاس پاور پلانٹس کے لیے 1 ارب 78 کروڑ روپے فیول کاسٹ کی مد میں مطالبہ کیا تھا، تاہم نیپرا کے ممبر ٹیرف مطہر نیاز رانا نے ان ادائیگیوں کی مخالفت کی۔
Loading X post…
Open original post on Xمطہر نیاز رانا نے اپنے اختلافی نوٹ میں مؤقف اختیار کیا کہ بگاس پاور پلانٹس کو ہائی ٹیرف کی بنیاد پر ادائیگیاں کرنا مناسب نہیں کیونکہ ان پلانٹس کے ٹیرف میں کمی پر بات چیت جاری ہے، اور یہ ادائیگیاں بجلی کے صارفین پر اضافی بوجھ ڈالیں گی۔
ان کا کہنا تھا کہ اگر یہ ادائیگیاں نہ کی جاتیں تو بجلی کی قیمت میں مجموعی طور پر 1 روپے 32 پیسے فی یونٹ کمی ممکن ہوتی۔
صحافی قسمت خان کے مطابق بگاس پلانٹس کے مالکان میں سلیمان شہباز،جہانگیر ترین،مخدوم سید احمد محمود جیسی طاقتور شخصیات شامل ہیں۔
Loading X post…
Open original post on X- Featured Thumbs
- https://www.siasat.pk/data/files/s3/bagas112j2.jpg
Advertisement





