Yehan Masoom woh he jis ko moqa nahi mila

wmahmooood

Senator (1k+ posts)
Yehan masoom kon he?

Raat ko 9 Baje se 11 Baje jab ham apne saray woh kaam jo loadshedding ke waqt ke liye bacha ke rakhay huay they kar chukay hote hain aur intezar hota ke light ke aane ka (us se ziada khof hota he ke kahin apne waqt pe naa aayi to phr intezar ki muntaha pata nahi) ek khayal aata he ke is mulk me kon woh log hain jin ko ham masoom keh sakte hain. Apne chote si observation se yeh baat dil me aati he ke politician, Police walay, government afsaraan to lazmi tor pe masoomo ki fehrist me nahi aatey par kia baqi log masoom hain?

Hamary mulk ke Tajir aur Industrialist... Kia yeh masoom hain?
Woh saray log jo Pakistan ki economy ke tycoons hain aur bohat bari bari mills aur industries chala rahay hain kia yeh sab log masoom hain?. Ham sab jante hain ke yeh log is muqam tak pohanchne ke liye yaa phr jo muqam baap dada se mila he us ko mehfooz rakhne ke liye kia kuch nahi karte. Yeh log rishwatein bhi dete hain, custom me apne maal ki value kam batate hain taa ke custom duty kam deni parhay, Income Tax naa hone ke barabar bharte hain aur nateeja wohi nikalta he ke Government Sales tax ke zariye yeh sara tax awam se nikalti he. Agar yeh log tax de rahey hote to aaj hamara Sales tax 16% ki bajaye 5% hota. Government ke contracts lene ke liye yeh log rishwatein bhi dete hain aur awami kaam ko is buri tarah anjaam dete hain ke khoon khol uthay.

Pharma industy walay (misaal ke tor pe) jo tablet 12 aanay ki cost me tayar hoti he us ko market me 12 Rupees ki farokht karte hain. Kia yeh masoom hain?

Transporter.....jab petrol barh jata he to kiraye barha dete hain aur jab petrol kam ho jata he to kiraye kam nahi karte.... Kiya yeh masoom hain???....... Yeh log dakaiton se mil ke apne hi passengers ko lutwa dete hain.... kia yeh log masoom hain???..... Double sawari pe Corrupt Govt ke saath mil ke baar baar pabandi lagwate hain taa ke in ka turnover ziada ho .... kia yeh masoom hain???

Hamaray taajir hazraat... Jab bhi pata lagay ke koi cheez mehengi hone wali he foran us ki keemat barha dete hain halaanke cost kam hoti he...kia yeh masoom hain??....

Doctors Sahibaan ke to kia hi kehne.....90% of doctors are corrupt...

Jab bhi koi Medical Rep in ki dukaan pe aata he aur apni product batata he to pehle fiqra yeh hota he "mujhe kia milega". Bohat saaray Medical stores walo ka yeh eitraf he ke doctors hazraat in ko makhsoos medicines stock karne ke liye kehte hain taa ke un ki commission banay. Ek 7,000 kamanay walay banday ko yeh log 5,000 Rs. ka test is waja se nahi likh kar dete ke mareez ko zaroorat he. Balkay is waja se prescribe karte hain kyunke un ki commisssion banay. In me se kuch to sirf operation is waja se karte hain ke in ki fees ka meter chalta rahay. Kia yeh masoom hain?


Kia hamari army masoom he?..... Aap log to parhay likay hain, sab jante hain ke kitne scams aaye hain army ke baray baray afsaraan ke khilaaf jis ki waja se aaj bhi army Govt ko aankh nahi dikha sakti. Memogate ka tamacha bhi maar dia Zardari ne, is ke bawajood chooriyan pehen ke bethi hui he. "Ham drone hamlay rok saktey hain" bas yeh keh ke awam ko tasalli de rahe hain. jab kar sakte ho to rozana apne itne sarey logo ko marne kyun de rahey ho??... 24% Pakistan ki income ka sirf fojion ko milta he... to hamaray awaam kyun mar rahey hain drone hamlo me?? why.... kyunke yeh bhi masoom nahi


Ek umeed ki kiran thi woh log jink o ham light ki mojudgi me TV screens pe dekhtey hain aur dil ko tasalli hoti he k koi to hey jo awaz utha raha he aur sab gair-masoomo ko Khari baat suna raha he par pichlay dino aap sab hi jaante hain ke in logo ke saath bhi kia hua.... Mere to kaan abhi tak woh jumla nahi bhoolte Woh wala villa jo aap ne Hamid ko dia tha. Kia yeh log masoom hain?
Reh gaye Baqi awaam ... Kia yeh masoom hain??

isi awam me woh wadhairay bhi hain jo PPP ko vote dete hain aur woh paindu bhi hain jo PML(N) ko vote dete hain , woh kalway bhi hain jo MQM ko vote dete hain aur woh pathan bhi hain jo ANP jaisi corrupt logo ko sirf is waja se vote dete hain aur un ko support karte hain kyunke yeh log ya to un k bacho ko admissions dilwa dete hain yaa koi contract dilwa dete hain yaa in ke kisi na-layaq bachay ko naukri dilwa dete hain....(and the list continues)

isi awam me MQM ke ghunday aur Aman Committee ke ghunday bhi hain jin ke nazdeek insaan ki jaan ****** ki jaan se bhi ziada kamtar he aur agar koi janwar bhi in ki harkato ko dekh lay to toba karay...Kia yeh masoom "awam" hai?


Phr apne ird gird ke logo pe nazar parhti he to lagta he ke yeh sab masoom hain aur hamaray jaisay hain.....par kisi waqt koi hamarey jaisa hi aa jata he TT le kar ke jo kuch he nikalo...Yaqeen janein us waqt lagta he ke koi bhi masoom nahi.... yeh log kuch hazaro ke liye pooray pooray gharano ko tabah kar dete hain... kia in ko zara sa dar nahi ke mar ke Allah ko moo bhi dikhana he?. Yaqeenan yeh to masoom nahi!!

Politician nikal gaye masoomiat ke criteria se, police nikal gai, govt afsaran bhi kharij, Tajir aur Industrialist bhi, Doctor bhi, Army bhi Media bhi aur finally Awam bhi.....
Ek video clip dekhi thi kisi zamanay me jis me kuch zalzala ke maray logo ka haal bata rahey they. Us video me ek admi mara parha hota he aur doosra shakhs us ke jaib me hath daal ke mobile aur paise le ke chala jata he. Us ke baad ek aur shakhs aata he aur dobara haath dalta he mayaat ke jaibo me aur us ko kuch nahi milta. Jis shakhs ko kuch nahi milta woh baad me TV pe bayaan deta he ke dekhain ji log to mayyat ko bhi nahi chortey....
To mere bhaai yehan masoom kon he?... YEHAN MASOOM WOH HE JIS KO MOQA NAHI MILA