MQM ki tanqeed - Viewpoint

[qamer]

 

[Altaf Lutfi]

MQM ki qismat par phir se ghanay badal chhanay lagay hain tu ittefaaq se tanqeed ka chalan bhi shru ho gaya hai. Halqa bandiyun mein Musharafi ghaplay ki badaulat jhoot ki jo bunyaad ustawar ki thi, us par pehli chot lag chuki hai, PPP ne Altaf ko is silsilay mein kisi madad se mazoori zahir kar di hai, udhar Rangers ne MQM mukhalifon k baad ab MQM k gurgay phansnay shru kar diay hain, Duhari shehriyyat k kulhaday ne MQM ki a'ala sateh ki qyadat ka safaya kar dia hai aur Scotland Yard ki tafteesh ka agla marhala Rehman Malik ki topi mein chhupay qatilon ko talab karna hai. jab itna kuchh ho raha ho tu Farooq Sattar ki bethi hui aawaz bahut kuchh bata deti hai. Pehli martaba hai keh is baar London mein MQM ka yum-e-shuhada 60-65 logon ki khauf zada nazron k tabadlay aur Altaf ki khamoshi par khatam hua hai.