To be Honest. I love Imran Khan, mujhey uss ke soch se lagao hai. aur mujh jese bohat se doosrey log Imran ke munsifana soch jaan ker attract aur impress ho jatay hein.
Magar
Mujhey Imran Khan se bohat se gilay bhe hein. ANNA HAZARA kon hai? Anna Hazara kya tha? koi bara naam nahi right.Magar aap dekh lijiay uss ke aik call se hazaro aur laakho log uss k saath ho gay. aur rozana tadaad bherti ja rahi hai, uss ke waja ye hai k kisi ne to medaan main amli qadam rekha, uss ne dharna nahi dia, wo jail bhe gaya, ab 10 din se bhook hertaal per hai. indian PM manmohan aur congress ko hila k rekh dia hai uss ne,
sirf aik issue per CORRUPTION.. aur pakistan main Govt k 50 issue hein, magar koi aik bhe ANNA HAZARA bannay ko tiyar nahi.
Ahista Ahista mujhey ab aisa lagnay laga hai k Imran Khan ke DOOR ya remote kisi aur k haath main hai... jab Imran Khan ko ishara millay ga ya hukam millay ga to Imran Action main nazar aaey ga... aur mujhey iss se sakht ikhtlaaf hai... Imran Khan ke power hum youth hein ham pakistani hein, koi aur nahi.
Agar Imran bhe waqt ka intizar ker raha hai, to phir Nawaz Sharif aur Imran Khan main kya farq reh gaya... ???
Dharno se aaj tak pakistan main kuch nahi hoowa, Jamat e Islami Dharno ke champion party hai, wo kuch nahi ker saki aaj tak. jo k pakistan bunney se pehle ke jamaat hai..
Imran Khan ko apni policy apni planning aur apney action change kerne parein gay... werna bohat dair ho jaey ge. WERNA ... PML (N) iss ka bhe credit lay jaey ge, LONG MARCH ker k... aur Imran Khan sahab waqt ka intizar he kerte rahein gay.
Ye mera aik mashwara hai Imran Bhai se,, shaied bohat se PTI k workers ko meri baat per gussa aaey, magar mujhey azaadi hai kehne ke, aur jo main ne socha, ya jo meri samjh main aaya, aur jo halat hein, aur jo Imran Bhai ker rahay hein, uss k baad main to issi nateejay per pohancha hoo.