وزیراعظم عمران خان کے دورہ چین سے واپسی کے بعد اعلیٰ سطح مشاورت سے وفاقی کابینہ میں ردوبدل کا امکان ہے۔
ذرائع کے مطابق وزیراعظم عمران خان کی کابینہ کا حجم 48 ہے، جن میں 9 وزارتوں کے قلمدان تبدیل ہوسکتے ہیں۔
ذرائع کے مطابق جن وزارتوں کے قلمدان وزیراعظم کی وطن واپسی کے ساتھ تبدیل ہوسکتے ہیں،ان میں وزارت داخلہ ،پٹرولیم ،امور کشمیر ،پلاننگ، صنعت و تجارت اور دیگر شامل ہیں۔
ذرائع کے مطابق وزیراعظم نے دورے پر روانگی سے قبل وزارت اطلاعات کی معاون خصوصی کو فی الحال کام جاری رکھنے کی ہدایت کی ہے۔
عمران خان کی 48 رکنی کابینہ میں24 وفاقی وزراء،4 وزراء مملکت ،5 مشیر اور 15 معاونین خصوصی شامل ہیں۔
وزیراعظم نے 15 وزارتوں اور ڈویژنز کا قلمدان اپنے پاس رکھا ہوا ہے جبکہ ان کی کابینہ میں 19 غیر منتخب افراد بھی شامل ہیں۔
وزیراعظم عمران خان کے پاس ریونیو، ٹیکسٹائل، تخفیف غربت و سماجی تحفظ، نیشنل سیکیورٹی، کابینہ، اسٹیبلشمنٹ ڈویژن کے انچارج وزیر ہیں۔
ان کے پاس موسمیاتی تبدیلی، خزانہ، تجارت، صنعت و پیدوار، صحت، وزارت اطلاعات، سیفران، نارکوٹکس کنٹرول اور اوورسیز پاکستانیوں کی وزارتیں بھی ہیں۔
وفاقی کابینہ کے 30 ستمبر کے اجلاس سے وزارتوں میں بڑی تبدیلیوں کی اطلاعات سامنے آئی تھیں۔
وزیراعظم کی وطن واپسی پر 9 وزارتوں میں تبدیلی متوقع، ذرائع
وزیراعظم عمران خان کے دورہ چین سے واپسی کے بعد...
jang.com.pk