Bajwa Naam hey eitmaad ka

PATRIOTIC_PAKISTANI

Minister (2k+ posts)
باجوہ......! جو نام ہے اعتماد کا.....!

26bajwa.jpg


زبیر عباسی

ہمارے ایک دوست کے لئے میٹرک کا امتحان ایورسٹ کا امتحان بن کے رہ گیا تھا انہوں نے میٹرک پر کئی حملے کئے مگر میٹرک 'سر' نہ کر سکے _اس کی وجہ بقول خود ان کے انکا 'کهوتا دماغ' تها_ وہ ہمیشہ اپنے کهوتے دماغ کے ہاتھوں بہت پریشان رہتے _ میں حیران ہوتا تھا کہ بدیں وجہ متزکرہ بالا وہ اپنی پریشانی کی کیفیات کو اسی دماغ سے کیسے سوچتے تھے جسے وہ خود کهوتا دماغ کہتے تھے _ کیونکہ میں نے کبهی کسی کهوتے کو سوچتے دیکھا تها نہ کهوتے دماغ کو_

انہیں جب کبھی پوچھا جاتا، ارے میاں....! کیا کرتے ہو آجکل؟ جواب ایک ہی ہوتا،........ "بس جی میٹرک کا ادنیٰ سا طالب علم ہوں" _ یہ جواب وہ قریب آٹھ سال تک دیتے رہے تهے_ انہیں معلوم تها کہ اب وہ "ادنٰی" سے نہیں رہے بلکہ اعلیٰ ہو گئے ہیں (جیسے خادم ادنیٰ سے خادم اعلیٰ) مگر شیریں کلامی انہیں ادنیٰ کہلوائے جانے پر مجبور کرتی رہتی _

آخر کار انہیں ایک مسیحا مل گیا، کہنے لگے مری روڈ پر ایک اشتہار لگا ہوا ہے، کیسا اشتہار؟

"میٹرک میں بار بار فیل ہونے والوں کے لیے خوشخبری"

"باجوہ ہوم آف نالج"

"پہلے آئیں پہلے پائیں، انتہائی محدود نشستوں پر داخلے جاری ہیں - گھر سے باہر گھر جیسا ماحول، محنتی اور قابل اساتذہ، انگریزی باجوہ صاحب خود پڑھائیں گے _ سٹوڈنٹ چاہے کهوتا دماغ ہو پاس ہونے کی سو فیصد گارنٹی، فیل ہونے کی صورت میں ساری فیس واپس _ مع قیام و طعام کل فیس 8 ہزار روپے ماہانہ"

"باجوہ ہوم آف نالج......... جو نام ہے اعتماد کا"

واہ جی، بڑی پر کشش آفر ہے...... خیر باجوہ صاحب سے ملاقات ہوئی اور بڑی مشکل سے 6 ہزار روپے مہینہ بهاڑے پر اتفاق ہوا اور ہم اپنے دوست کو باجوہ صاحب کے ہاں چھوڑ آئے_ باجوہ صاحب نے اپنے ہاں ہمارے کوئی 20 منٹ کے قیام کے دوران دو تین طالبان کو بانس کے کوئی ڈھائی فٹ کے ڈنڈے سے اچھا خاصا "نالج" ٹرانسفر کیا_ مجھے وہیں اندازہ ہو گیا تھا کہ باجوہ صرف ہوم آف نالج ہی نہیں ہوم آف مالش بهی ہے_ بعدازاں ہمارے دوست نے متعدد بار اپنی پشت پر پر نالج ٹرانسفر کے نشانات بھی دکهائے_

المختصر! کوئی تین ماہ بعد امتحان ہوا اور مزید تین ماہ بعد نتیجہ! باجوہ کے بانس کی قسم جس کی گانٹھوں کے نشانات ہمارے دوست کے 'ممنوعہ علاقوں' تک ثبت تهے، ہمیں یہ سن کر یقین نہ آیا کہ ہمارے دوست نے میٹرک کا امتحان پاس کر لیا ہے اور وہ بھی سیکنڈ کلاس میں!

میں نے مبارکباد دینا چاہی تو ہمارے دوست نے تاریخی الفاظ ارشاد فرمائے؛

"مبارک دینی ہے تو باجوہ کو دو جس نے میرے کهوتے دماغ میں میٹرک ڈالا، اور وہ بھی بانس ٹکنالوجی کے ذریعے"

آج جی ایچ کیو کے ہاکی گراونڈ میں جب ایک "شریف جرنیل" نے جنرل باجوہ کو بانس کی ڈھائی فٹ کی چھڑی مع کمان تهمائی تو مجھے ایسے ہی 'باجوہ ہوم آف نالج' والے باجوہ یاد آ گئے جنہوں نے ہمارے دوست میں بقول ہمارے دوست کے میٹرک ڈالا تها_

آج اسی راولپنڈی میں "جی ایچ کیو سکول فار ڈیموکریسی" میں جمہوریت کے ادنیٰ سے طالب علم میاں محمد نواز شریف نے داخلہ لے لیا ہے، اور استاد کا نام ہے، جنرل قمر جاوید باجوہ....!

یہ طالب علم ہمارے دوست والے دماغ سے قدرے بہتر دماغ رکھنے کے باوجود جمہوریت کے مضمون میں بار بار فیل ہوتا رہا _ حیرانی اس بات پر نہیں کہ یہ فیل کیوں ہوتا رہا، پریشانی اس بات پر ہے کہ جنرل جیلانی جیسے صاحب علم "استاد" کی صحبت کا فخر جس کی پیشانی سے عیاں ہو، ائیر مارشل اصغر خان نے جسے اسی مضمون کی "ٹیوشن" پڑھائی ہو اور جنرل ضیاءالحق جیسی ہستی جس کا جمہوری پیشوا رہا ہو اسے جمہوریت کا سبق اب تک از بر کیوں نہ ہوا؟

ہماری دعا ہے کہ میاں نواز شریف بهی ہمارے دوست کی طرح جمہوری امتحان میں کامیاب ہو جائیں اور یقیناً ہوں گے بهی، کیونکہ ہمیں یقین ہے باجوہ باجوہ ہوتا ہے "جی ایچ کیو سکول فار ڈیموکریسی" والا ہو یا "باجوہ ہوم آف نالج" والا.... باجوہ کبهی اپنے طالب علم کو فیل نہیں ہونے دیتا_

جی ہاں باجوہ....... جو نام ہے اعتماد کا...!!!

زبیر عباسی was shared through whatsapp
 
Last edited by a moderator:

WatanDost

Chief Minister (5k+ posts)
جنرل جیلانی جیسے صاحب علم "استاد" کی صحبت کا فخر جس کی پیشانی سے عیاں ہو، ائیر مارشل اصغر خان نے جسے اسی مضمون کی "ٹیوشن" پڑھائی ہو اور جنرل ضیاءالحق جیسی ہستی جس کا جمہوری پیشوا رہا ہو اسے جمہوریت کا سبق اب تک از بر کیوں نہ ہوا؟

مندرجہ بالا اساتزہ خاکی جمہوریت کے ہاتھوں پروان چڑھنے والا شاگرد

جمہوری لعنت تو ہو سکتا ہے ، جمہوریت کا شہسوار ؟؟؟ ناممکن
 

mubarik Shah

Chief Minister (5k+ posts)
nawaz kadday ka kadda rahey ga.....noora nasal say jo howa.... duniya ka koi bajwa is na laik to dheek nahee kar sagta............
 

Landmark

Minister (2k+ posts)
:lol:
[FONT=&quot]امتحان پاس کر لیا ہے اور وہ بھی سیکنڈ کلاس میں! [/FONT]

[FONT=&quot]میں نے مبارکباد دینا چاہی تو ہمارے دوست نے تاریخی الفاظ ارشاد فرمائے؛[/FONT]

[FONT=&quot]"مبارک دینی ہے تو باجوہ کو دو جس نے میرے کهوتے دماغ میں میٹرک ڈالا، اور وہ بھی بانس ٹکنالوجی کے ذریعے"[/FONT]
 

asadrehman

Chief Minister (5k+ posts)
اب یہ تو میاں صاحب کی معصومیت پہ منحصر ہے کہ وہ بانس ٹیکنالوجی لے کر میٹرک کریں گے یا بانس ٹیکنالوجی دیکھ کر۔ چوکیدار ٹیکنالوجی تو میاں صاحب کو زخموں و زخمی کر گئی ہے۔
 

Back
Top