پشاور: پی ٹی آئی کے خیبر پختونخوا کے صدر اور پبلک اکاؤنٹس کمیٹی کے چیئرمین جنید اکبر نے دعویٰ کیا ہے کہ 26 ویں آئینی ترمیم میں حکومت کو ووٹ دینے کے لیے انہیں 75 کروڑ روپے کی پیشکش کی گئی تھی۔
ایک بیان میں جنید اکبر نے کہا کہ وہ پارٹی میں گدھوں اور گھوڑوں کو ایک ساتھ نہیں رکھیں گے، جو شخص ڈیلیور کرے گا وہ پارٹی کا حصہ ہوگا، اور وہ ہر قربانی دینے کے لیے تیار ہیں۔
انہوں نے مزید کہا کہ 26 ویں آئینی ترمیم میں حکومت کو ووٹ دینے کے لیے انہیں 75 کروڑ روپے کی پیشکش کی گئی تھی۔ واضح رہے کہ گزشتہ روز مردان میں ورکرز کنونشن سے خطاب کے دوران جنید اکبر نے کہا تھا کہ وہ سیاسی کارکن ہیں، سیاسی نوکر نہیں، اور وہ غلط کو غلط اور صحیح کو صحیح کہنے کا حق رکھتے ہیں۔
انہوں نے یہ بھی کہا تھا کہ اگر بانی پی ٹی آئی نے بات نہ مانی تو وہ صدارت چھوڑ دیں گے، کیونکہ وہ پارٹی میں چوروں کو برداشت نہیں کریں گے، سیاست کو کاروبار نہیں بنائیں گے، اور ہر کارکن کی رپورٹ بانی پی ٹی آئی تک پہنچائیں گے۔
خیال رہے کہ حالیہ دنوں میں عمران خان نے وزیراعلیٰ علی امین گنڈاپور کو پارٹی کی صوبائی صدارت سے ہٹاکر جنید اکبر خان کو یہ ذمہ داری سونپی ہے۔
- Featured Thumbs
- https://i.ibb.co/yn2p9MVT/junaid.jpg
Last edited by a moderator:
