صحافی و اینکر پرسن اقرار الحسن نے صحافی عمران ریاض خان کی ایک ٹویٹ پر ردعمل دیتے ہوئے طنزیہ وار کرڈالے۔
تفصیلات کے مطابق عمران ریاض خان نے اپنی ایک ٹویٹ میں کہا کہ رجیم چینج آپریشن کا سب سے بڑا لوزر پاکستانی میڈیا رہے گا کیونکہ اس نے تھوڑی سی لالچ میں پاکستانیوں کا اعتبار اور اعتماد کھودیا ہے۔
صحافی اقرار الحسن نے عمران ریاض خان کی اس ٹویٹ پر ردعمل دیتے ہوئے دوبدو جواب دیا اور کہا کہ اور رجیم چینج آپریشن میں سب سے بڑے ونر پی ٹی آئی کے یوٹیوبر رہے جن میں سے کچھ نے تو یوٹیوب سےایک ایک مہینے میں چار ، چار کروڑ روپے بھی کمائے۔
اقرار الحسن نے اپنی ٹویٹ میں وضاحت دیتے ہوئے کہا کہ عمران بھائی نے خود ایک وی لاگ میں یو ٹیوب سے چھ ماہ میں بارہ کروڑ کمانے کا اعتراف کیا ہے۔ اللہ نظرِ بد سے بچائے۔
اپنی دوسری ٹویٹ میں اقرار الحسن نے کہا کہ عمران ریاض ایک پروفیشنل صحافی ہیں، میں جانتا ہوں کہ وہ ایسا نہیں کرتے ہوں گے، لیکن اہم بات یہ ہے کہ جس انسان کو کسی سیاسی جماعت کی حمایت کی وجہ سے ہر مہینے یو ٹیوب سے دو چار کروڑ آتے ہوں گے کیا وہ اس جماعت پر کبھی جائز تنقید کر کے اپنی ویور شپ خراب کرے گا؟ کیا یہ لفافہ صحافت نہیں کہلائے گی؟