قومی کرکٹ ٹیم کے کپتان بابر اعظم نے ویسے تو کئی ریکارڈ اپنے نام کئے ہیں لیکن ’ستارہ امتیاز‘ کا اعزاز اپنے والدین کے نام کرکے تصاویرسوشل میڈیا پر شیئر کردی۔
ٹوئٹر پراپنے والدین کے ہمراہ تصاویر شئیرکرتے ہوئے انہوں نے لکھا کہ اپنی والدہ اور والد کی موجودگی میں ستارہ امتیاز حاصل کرنا بہت بڑا اعزاز ہے۔ مزید لکھا کہ یہ ایوارڈ میرے والدین، مداحوں اور پاکستان کے لوگوں کے لیے ہے۔
یوم پاکستان کے موقع بابراعظم کو گورنر ہاؤس لاہورمیں ہونے والی تقریب میں ستارہ امتیاز گورنر پنجاب بلیغ الرحمان نے بابر اعظم کو ستارہ امتیاز کا میڈل پہنایا۔
قومی وومن کرکٹ ٹیم کی سابق کپتان بسمہ معروف کو بھی تمغہ امتیاز سے نوازاہ گیا۔
دوسری جانب ایوان صدر اسلام آباد میں تقسیم اعزازات کی تقریب منعقد ہوئی جہاں صدر مملکت ڈاکٹرعارف علوی مختلف شعبوں میں نمایاں کارکردگی دیکھانے والوں کو اعزازات سے نوازا گیا۔ صدرمملکت ڈاکٹرعارف علوی کی جانب سے سرتاج عزیز، معروف اداکارمحمد قوی خان مرحوم کو نشان امتیاز بعد از وفات عطا کیا گیا۔
اس کے ساتھ ہی جہانگیرخان، جان شیرخان گورنرسندھ کامران ٹیسوری کو تمغہ امتیاز سے نوازا گیا، جبکہ معروف سماجی شخصیت بلقیس ایدھی مرحوم، رمضان چھیپا کو ہلال امتیاز کا اعزازعطا کیا گیا۔
سینئرصحافی جاوید چوہدری، اداکاربہروز سبزواری، لفٹیننٹ جنرل نعمان زکریا کو ستارہ امتیازدیا گیا اور امریکی سفارتکار رابن رافیل کو ہلال پاکستان کا اعزاز دیا گیا۔
