گورنر سندھ کی کچے کے ڈاکوؤں کو آئی ٹی کورس کرانے کی پیشکش,سینیٹر مشتاق کی تنقید
گورنر سندھ نے کچے کے ڈاکوؤں کو آئی ٹی کورس کرانے کی پیشکش کی تو سینیٹر مشتاق احمد خان نے گورنر سندھ کی پیشکش پر طنزیہ ٹویٹ کیا کہ تاکہ کچے کے ڈاکو سائیبر ٹیکنالوجی اسکل سے لیس ہوکر زیادہ موثر انداز میں اپنی کاروائیاں جاری رکھ سکے,کچے کے ڈاکوؤں کو حکومتی ایوانوں میں بیٹھے اپنے دوستوں کیطرف سے فراخدلانہ پیشکش۔
گورنر سندھ کامران ٹیسوری نے کچے کے ڈاکوؤں اور ان کے بچوں کو آئی ٹی کورس کرانے کی پیشکش کرتے ہوئے کہا کچے کے ڈاکوؤں کے سامنے آئی ٹی ڈاکو لا رہا ہوں جو ان کو کھا جائے گا۔ حیدر آباد میں انفارمیشن ٹیکنالوجی یونیورسٹی بنا رہے ہیں، ڈاکو اسلحہ چھوڑیں اور آئی ٹی کورس کریں، اپنے بچوں کو بھی لے آئیں, پہلے مرحلے میں 50 ہزار بچوں کو مصنوعی ذہانت اور آٹو میشن متعدد کورس مفت کرائے جائیں گے جس کے بعد نوجوان لاکھوں روپے کما سکیں گے۔ 50 کروڑ کی لاگت سے شروع اس منصوبے کیلئے فنڈز حکومت سے نہیں لئے بلکہ ڈونرز فراہم کریں گے۔
گورنر سندھ کامران ٹیسیوری نے کہا ہے کہ کراچی کے بعد حیدراباد میرپور خاس نواب شاہ سکھر اور لاڑکانہ میں بھی آئی ٹی کلاسز شروع کی جائیں گی,حیدرآباد میں پریس کانفرنس کرتے ہوئے گورنر نے کہا کہ کراچی میں آئی ٹی کلاسز لینے والوں کی ڈالرز میں امدن شروع ہو گئی,گورنر نے کہا کہ حیدرآباد میں آئی ٹی یونیورسٹی قائم کرنے جا رہے ہیں۔کامران ٹیسوری نے پہلے فیز میں ٹیسٹ کے بعد 50 ہزار بچوں کو مصنوعی ذہانت (اے آئی)، آٹومیشن سمیت دیگر کورسز مفت میں کروائے کا اعلان بھی کیا
گورنر سندھ نے بتایا کہ پروگرام کے تحت نوجوان خود کفیل اور لاکھوں روپے کمانے کے اہل ہوں گے، جگہ کا تعین 10 دنوں میں کیا جائے گا۔ آئی ٹی پروگرام کے لئے حکومت سے ایک روپیہ بھی نہیں لیا جائے گا، سندھ کے دیگر اضلاع میں یہ پروگرام بہت جلد شروع کیا جائے گا,گورنر سندھ کا مزید کہنا تھا کہ 50 کروڑ کی لاگت سے یہ پروگرام شروع کیا جا رہا ہے جس کے ڈونر ہمیں مل گئے ہیں، آئی ٹی پروگرام کے تحت دو ماہ کے اندر ٹیسٹ کا سلسلہ شروع ہوجائے گا۔