وفاقی وزیرداخلہ رانا ثنا اللہ نے الزام عائد کیا کہ جلیل شرقپوری اورغیاث الدین نے 10،10 کروڑروپے لیے، پرویز الہٰی نے دونوں ارکان کو پیسے دیئے جس جگہ پیسے دیئے گئے اس کا بھی پتہ ہے۔
ہم نیوز کے پروگرام "بریکنگ پوائنٹ ود مالک" میں کہ پیسے دینے والے گل زمان کی ویڈیو بھی سامنے آئی ہے، پیسے انہوں نے خود دیئے اور اب شور مچا رہے ہیں، گل زمان اورشیخ رشید میرے سامنے آئیں، ثابت کر کے دکھاؤں گا کہ انہوں نے پیسے دیئے۔
انہوں نے استفسار کیا کہ کیا جلیل شرقپوری اور غیاث الدین کو پیسے نہیں دیئے وہ بتائیں؟ ارکان سوچ رہے ہیں کہ کیا وہ ایسے شخص کو ووٹ دیں گے جس نے کہا ہے اگر عمران خان نے کہا تو دو سیکنڈ میں اسمبلی توڑدوں گا، کیا کوئی رکن صوبائی اسمبلی ایسے شخص کو ووٹ دے گا؟
وزیر داخلہ نے استفسار کیا کہ پی ٹی آئی کے187 میں سے اگر 8یا 9 بندے نہیں آتے تو پھر کیا ہوگا؟ اس طرح پی ٹی آئی کا نمبر178 پر آ جائے گا اور ہمارے پاس تو پہلے سے 180 کا نمبر ہے۔
وفاقی وزیر داخلہ نے واضح طور پر کہا کہ صوبائی اسمبلیوں نے مدت پوری کرنی ہے تو پھر قومی اسمبلی بھی مدت پوری کرے گی، جس طرح ہمارے کھاتے میں حکومت پڑی ہے تو یہی حال ان کا بھی ہوگا، الیکشن کے سال حکومت بنانا کوئی آسان کام نہیں۔
