کیا ووٹ کا فیصلہ صرف امیدوار کو دیکھ کر کیا جانا چاہئے؟

[imfaisal]

پاکستانی سیاست میں ووٹرز کو تین حصوں میں تقسیم کیا جاسکتا ہے۔

1: نظریاتی ووٹرز۔ یہ وہ ووٹرز ہیں جو کسی سیاسی پارٹی کے امیدوار کو اسلئے ووٹ دیتے ہیں کیونکہ وہ اس پارٹی کے نظریہ اور ملک چلانے کے طریقہ کار کو لیکر ان سے موافقت رکھتے ہیں۔ انکے لئے صرف حلقہ میں کھڑا کیا گیا امیدوار اہم نہیں ہوتا۔

2: پارٹی ووٹرز۔ ووٹرز کا یہ طبقہ کسی سیاسی پارٹی کو وفاداری کے جذبہ کے تحت ووٹ دیتا ہے، انکے متمع نظر بنیادی طور سیاسی نسبت کے لحاظ سے باپ، دادا کی پیروی یا ماضی میں اس پارٹی کی گئی حمایت ہوتی ہے اگرچہ ان میں سے بعض کچھ ملکی ایشیوز کو لیکر اپنی حمایت جسٹیفائی کرنے کی کوشش کرتے ہیں۔
3: الیکٹیبل ووٹرز۔ یہ حلقہ میں کھڑے ہونے والے امیدوار کا ذاتی ووٹ بنک کہلاتا ہے جو وہ علاقہ میں لوگوں کے مختلف امور حل کر کے، انکی خوشی غمی میں شریک ہوکر یا ذات برادری کی بنیاد پر اکھٹے کرتا ہے۔
اب سوال یہ ہے کہ پاکستانی سیاست میں ایک ووٹر کو کس بنیاد پر ووٹ دینا چاہئے؟ اسکا جواب جاننے کیلئے پہلے یہ دیکھنا چاہئے کہ ایک قومی یا صوبائی سطح پر کھڑے ہونے والے امیدوار کی حلقہ کے ووٹرز کو لیکر انفرادی حیثیت میں کیا ذمہ داریاں بنتی ہیں۔

قومی و صوبائی اسمبلی کے امیدوار کی بنیادی ذمہ داری حلقہ کے عوام کی اسمبلی میں نمائیندگی ہے، اسکی یہ ذمہ داری بنتی ہے کہ وہ اپنے حلقہ میں عوامی مسائل کو لیکر متعلقہ امور میں قانون سازی کرے۔ اسکے علاوہ امیدوار کی یہ ذمہ داری بھی ہے کہ حلقہ کے عوام نے اسکو جو اعتماد دیا ہے وہ اسکی بنیاد پر کسی سیاسی پارٹی کو نظریاتی بنیاد پر سپورٹ کرے، یہ نکتہ اہم ہے۔ اگر امیدوار کو جج کرنے کامعیار یہ ہے جو کہ اوپر بیان کیا گیا تو درست ، دیکھا مگر یہ گیا ہے کہ پاکستانی سیاست میں عموماً امیدوار کو ایسے امور کی بنیاد پر جج کیا جاتا ہے

جو فیصلہ سازی میں اہمیت نہیں رکھتے مثلاً ذات برادی کی بنیاد پر ووٹ دینا، تھانہ کچہری کے معاملات میں امیدوار کی ممکنہ مدد یا سفارش کی لالچ میں ووٹ دینا (یہ کام متعلقہ اداروں کی ذمہ داری ہے)، نالیاں یا سڑکیں پکی کروانے کی بنیاد پر ووٹ دینا (یہ کام بلدیاتی نمائیندوں کی ذمہ داری ہے)۔

اب سوال یہ بھی پیدا ہوتا ہے کہ حلقہ کے عوام کی اسمبلی میں نمائیندگی کے علاوہ ایک امیدوار کی کسی سیاسی پارٹی کی حمایت کا فیکٹر کیوں اہم ہے؟ اسکے لئے ضروری ہے کہ یہ دیکھا جائے کہ ایک قومی اور صوبائی حکومت کی کیا ذمہ داریا ں ہیں۔

ایک قومی حکومت کی ذمہ داری میں معیشیت، خارجہ پالیسی، دفاعی امور، توانائی/بجلی پالیسی، ٹرانسپورٹیشن (ہائی ویز، ریلوے، پی آئی اے)، انڈسٹریز (سٹیل مل، زراعت، شوگر، ٹیکسٹائل)، ماحولیات، پانی کے مسائل، ٹیکس وصولی اور بجٹ جیسے امور شامل ہیں۔ اسی طرح صوبائی حکومت کی ذمہ داری میں تعلیم، صحت، خوراک، پولیس، ٹیکس وصولی اور بجٹ، اوقاف و مذہبی امور، آب پاشی، جنگلات، ٹوور ازم وغیرہ شامل ہیں۔

یہ وہ تمام امور ہیں جسکا trickle-down effect اس ملک کے ہر انسان تک جاتا ہے۔ اگر ہم ووٹ کا فیصلہ کرتے وقت ان تمام عناصر کو نظر انداز کردیں اور صرف علاقائی سطح پر امیدوار کی غیر متعلقہ یا متعلقہ مگر محدود امور میں کارکردگی کو مدنظر رکھیں تو یہ دور اندیشی نہ ہوگی۔ اگر معیشیت خراب ہوگی تو مہنگائی کا اثر ہر انسان تک جائے گا، اگر خارجہ پالیسی درست نہیں تو ملک بے جا پابندیوں کا شکار ہوگا۔اسی طرح انرجی، پانی کے مسائل، تعلیم، صحت، پولیس، ماحولیات و دیگر مسائل ایسے ایشوز ہیں جن سے نا صرف ہمارا روز کا تعلق ہے بلکہ ان میں ہماری اور ہماری نسلوں کی بقا مضمر ہے۔

اس لئے ووٹ ڈالتے وقت امیدوار کے کردار یا اسکے حلقہ کے عوام کیلئے کئے گئے کاموں کو ضرور دیکھیں مگر اسکی کسی سیاسی پارٹی سے نظریاتی نسبت بھی بہت اہم ہے کیونکہ ان سیاسی پارٹیز کی قومی و صوبائی لیول کی پالیسیز اور انتظامی کارکردگی پورے ملک اور صوبوں پر اثر انداز ہوتی ہے، اسے نظر انداز مت کیجئے۔​

 

[چھومنتر]

آپ کے تھریڈ میں جس بات کی طرف اشارہ ہے اس لیول تک پاکستانی ووٹر کو پہنچنے میں مزید ۲۰، ۱۵ سال لگیں گے، فی الحال تو یہ عالم ہے کہ اس دن کسی وڈیو میں اسلام آباد کے ایک شہری فرما رہے تھے کہ میری زمین پر انجم عقیل نے ناجائز قبضہ کر رکھا ہے اور اسد عمر ہمارے کسی جنازے میں شامل نہیں ہوا۔ اس لیے دونوں کو ووٹ نہیں دینا
مطلب زمین پر قبضہ کرنے والا اور جنازے میں شامل نہ ہونے والا موصوف کی نظر میں ایک برابر ہیں​

 

[Afaq Chaudhry]

اس ملک میں فساد کا سبب صرف خاندانی سیاسی اجارہ داری ہے ،شخصیت پرستی کے بت ہیں ، یہ چاہئیں تو سب کچھ ہو سکتا ہے ،یہ نہ چاہئیں تو اسمبلی یرغمال رہتی ہے ، یہ صرف اقتدار کے بھوکے ہوتے ہیں ،ان کو صرف ایک ممبر چاہئے جو جیسے مرضی منتخب ہو کر آئے ، یہ ہی وجہ ہے کہ جس نے عمران خان کو بھی ایسی لائیں پر ڈال دیا ہے اور تبدیلی چھٹیوں پر چلی گئی ہے ، الیکشن کے بعد پھر تبصروں میں نظر آئے گی​

 

[چھومنتر]

اس ملک میں فساد کا سبب صرف خاندانی سیاسی اجارہ داری ہے ،شخصیت پرستی کے بت ہیں ، یہ چاہئیں تو سب کچھ ہو سکتا ہے ،یہ نہ چاہئیں تو اسمبلی یرغمال رہتی ہے ، یہ صرف اقتدار کے بھوکے ہوتے ہیں ،ان کو صرف ایک ممبر چاہئے جو جیسے مرضی منتخب ہو کر آئے ، یہ ہی وجہ ہے کہ جس نے عمران خان کو بھی ایسی لائیں پر ڈال دیا ہے اور تبدیلی چھٹیوں پر چلی گئی ہے ، الیکشن کے بعد پھر تبصروں میں نظر آئے گی​

چوہدری ایک طرف تیرے یہ بھاشن، اور دوسری طرف تیری جماعت جو گلے تک منافقت میں ڈوبی ہوئی بلکہ لھتڑی ہوئی ہے
:D​

 

[sajjad saeed]

umeedwar k kaam dakh kr

 

[Uns Sheikh]

امید وار کا کردار
امید وار کا سابقہ ریکارڈ
امید وار کی ذہنی حالت
ان تین چیزوں کو معیار بنا یا جائے ووٹ کا۔​

 

[imfaisal]

امید وار کا کردار
امید وار کا سابقہ ریکارڈ
امید وار کی ذہنی حالت
ان تین چیزوں کو معیار بنا یا جائے ووٹ کا۔​

اس تھریڈ کا بنیادی نکتہ یہی ہے کہ امیدوار کی سیاسی پارٹی سے نسبت بھی اس معیار میں شامل ہونی چاہئے۔ کیونکہ قومی و صوبائی سطح پر حکومت کی پالیسز اہم ہیں اور نچلے لیول تک اثر انداز ہوتی ہیں۔​

 

[imfaisal]

اس ملک میں فساد کا سبب صرف خاندانی سیاسی اجارہ داری ہے ،شخصیت پرستی کے بت ہیں ، یہ چاہئیں تو سب کچھ ہو سکتا ہے ،یہ نہ چاہئیں تو اسمبلی یرغمال رہتی ہے ، یہ صرف اقتدار کے بھوکے ہوتے ہیں ،ان کو صرف ایک ممبر چاہئے جو جیسے مرضی منتخب ہو کر آئے ، یہ ہی وجہ ہے کہ جس نے عمران خان کو بھی ایسی لائیں پر ڈال دیا ہے اور تبدیلی چھٹیوں پر چلی گئی ہے ، الیکشن کے بعد پھر تبصروں میں نظر آئے گی​

عمران خان کا نظام کی کمزریوں کو دیکھتے ہوئے الیکٹیبلز پر بھروسا کرنا آئیڈیل نہیں مگر موجودہ حالات میں الیکشن جیتنے کیلئے ضروری ہے۔ اگر آپ ایسا نہیں کرتے تو الیکشن جیتنے کا امکانات نہ ہونے کے برابر ہوں گے، اب ایسا کیا ہے تو ایک امید ہے، اور یہ امید بے یقینی سے بہتر ہے۔​

 

[Afaq Chaudhry]

عمران خان کا نظام کی کمزریوں کو دیکھتے ہوئے الیکٹیبلز پر بھروسا کرنا آئیڈیل نہیں مگر موجودہ حالات میں الیکشن جیتنے کیلئے ضروری ہے۔ اگر آپ ایسا نہیں کرتے تو الیکشن جیتنے کا امکانات نہ ہونے کے برابر ہوں گے، اب ایسا کیا ہے تو ایک امید ہے، اور یہ امید بے یقینی سے بہتر ہے۔​

چوہدری ایک طرف تیرے یہ بھاشن، اور دوسری طرف تیری جماعت جو گلے تک منافقت میں ڈوبی ہوئی بلکہ لھتڑی ہوئی ہے
:D​

نادان گر گئے سجدے میں جب وقت قیام آیا

نتایج بتا دیں گے کہ تبدیلی آئے یا سیٹیں اور کم ہوئیں
​