ٹوبہ ٹیک سنگھ کے حلقہ این اے 113 سے تحریک انصاف کے منتخب رکن قومی اسمبلی ریاض فتیانہ نے اپنے سے منسلک پی ٹی آئی چھوڑ کر دوسری پارٹی میں شمولیت کی خبروں کو سختی سے مسترد کر دیا۔
ریاض فتیانہ کے نام سے چلنے والے سوشل میڈیا اکاؤنٹ سے ٹوئٹ کیا گیا جس میں انہوں نے پی ٹی آئی کو چھوڑ پی ایم ایل این میں شمولیت کی خبروں کو رد کرتے ہوئے کہا کہ یہ محض ڈس انفارمیشن مہم کا حصہ ہے۔
رکن قومی اسمبلی نے بتایا کہ ان سے متعلق یہ خبر نجی ٹی وی چینل اے آر وائی نے نشر کی تھی جو کہ سچ پر مبنی نہ ہے۔ انہوں نے بتایا کہ قومی اسمبلی میں مذکورہ چینل (اے آر وائے نیوز) کے خلاف تحریک استحقاق پیش کر دی ہے۔
اس خبر کو نہ صرف اے آر وائے بلکہ دیگر خبر رساں اداروں اور ویب سائٹس کی جانب سے بھی شائع کیا گیا ہے جن میں دعوے کیے گئے ہیں کہ تحریک انصاف کے فیصل آباد ریجن کے ارکان اسمبلی اپنی پارٹی چھوڑنے کو تیار ہیں۔