حنا پرویز بٹ کا کامران شاہد کے لائن پر آنے کا بیان۔۔ کامران شاہد کاسخت ردعمل۔۔ سوشل میڈیا صارف کے طنز پر تپ گئے
کچھ روز قبل کامران شاہد نے سلیم صافی کو ایک انٹرویو دیا جس میں انہوں نے کہا کہ انہیں سابق وزیراعظم نواز شریف کا دور موجودہ حکومت سے زیادہ بہتر لگنے لگ گیا ہے، بے شک انہوں نے کرپشن کی جو بھی تھا لیکن ان کی حکومت کی کارکردگی بہت اچھی تھی۔
انہوں نے مزید کہا کہ جن لوگوں کو کرپٹ ثابت کرنے کی کوششیں کررہے تھے وزیراعظم عمران خان صاحب کے پیچھے لگ کر کم از کم ان لوگوں کی پرفارمنس تو موجودہ وزرا سے تو بہت اوپر ہے۔
سلیم صافی کے ایک سوال کے جواب میں انہوں نے کہا کہ آپ فیکٹس چیک کر لیں اس دور کی مہنگائی، چینی، پیٹرول سب چیک کر لیں۔اسحاق ڈار مجھے دنیا کا سب سے بڑا وزیر خزانہ لگنا شروع ہو گیا ہے۔
کامران شاہد کے ان بیانات پر حنا پرویز بٹ نے کہا کہ کامران شاہد کو تو غلطی کا احساس ہوگیا۔۔۔آہستہ آہستہ سب لائن پر آئیں گے۔۔۔
اس پر ایک سوشل میڈیا صارف نے کامران شاہد کو ٹیگ کرتے ہوئے کہا کہ اور تم نے کامران شاہدکا بھانڈا پھوڑ دیا ہر وقت کی ٹر ٹر گلے پڑ گئی
اس پر کامران شاہد نے سوشل میڈیا صارف کو جواب دیا کہ تم بیوقوف ہو ؟ عمران خان کا ناقد ہونا ہی میرے تجزیے کی ایمانداری کو ظاہر کرتا ہے ، چاہے میں انہیں ذاتی طور پر کتنا ہی پسند کروں یا نہ کروں! یہ ظاہر کرتا ہے کہ میں کسی بھی فرد کی تابعداری کرنے سے انکار کردیا۔
اپنے لیڈر کا اندھا پجاری قرار دیتے ہوئے کامران شاہد نے سوشل میڈیا صارف کو جواب دیا کہ آپ شاید ہی ایسا کر سکتے ہیں کیونکہ آپ اندھے پجاری ہیں۔
کامران شاہد نے مزید کہا کہ وہ لوگ جو مجھے "لائن میں" لانا چاہتے تھے، انہیں ہم لمبائی چوڑائی کیساتھ لائن میں لیکر آئیں گے۔ میں یقین دلاتا ہوں کہ ایک بار اور اگر وہاں کی پسند کی حکومت اگلی بار اقتدار میں آجائے تو انکو بھی مطمئن کردیں گے۔
کامران شاہد نے مزید کہا کہ میں نے اپنے "فیورٹ" کو نہیں چھوڑا تھا تو انہیں بھی نہیں چھوڑوں گا
واضح رہے کہ جب سے تحریک انصاف حکومت آئی ہے، کامران شاہد حکومت کے سخت ترین ناقدین میں شمارکئے جاتے ہیں اور اپنے پروگرام میں پی ٹی آئی رہنماؤں کو خوب آڑے ہاتھوں لئتے ہیں۔
