
اسلام آباد کے ایک ریسٹورینٹ میں احسن اقبال کیلئے چور چور کے نعرے لگانیوالے خاندان کے فرد اسامہ شیر نے کہا ہے کہ ہمیں احساس ہوا کہ ہم سے غلطی ہوئی ہے۔
نجی ٹی وی سے خصوصی گفتگو کرتے ہوئے اسامہ شیر نے کہا کہ پبلک ایریا میں کسی کو بھی اس طرح کہنا نہیں چاہیے، ہم سے غلطی ہوئی۔
ان کا مزید کہنا تھا کہ احسن اقبال معروف شخصیت ہیں اور ہمارے بزرگ بھی ہیں، ہمیں احساس ہوا کہ اپنی رائے اپنے پاس رکھنی چاہیے اور یہ سب سوچتے ہوئے ہم نے احسن اقبال سے معافی مانگنے کا فیصلہ کیا۔
سوشل میڈیا پر دباؤ میں لینے سے متعلق قیاس آرائیوں کی تردید کرتے ہوئے اسامہ شیر کا کہنا تھا کہ ہمیں کسی نے دباؤ میں نہیں لیا، ہم اپنی مرضی سے احسن اقبال کے گھر گئے اور معذرت کی۔
ان کا کہنا تھا کہ احسن اقبال نے نہیں کہا کہ پی ٹی آئی جوائن نہ کریں یا ن لیگ جوائن کریں، ہم پر کسی قسم کا کوئی دباؤ نہیں آیا، پتا نہیں ایسی باتیں کہاں سے آجاتی ہیں، معافی مانگنے کا 100 فیصد فیصلہ ہمارا تھا، ہماری فیملی کو بھی احساس ہوا کہ جو ہم نے کیا وہ غلط تھا۔
احسن اقبال نے یہ ویڈیو شئیر کرتے ہوئے تبصرہ کیا کہ بھیرہ واقعہ کو تحریک انصاف سوشل میڈیا نے بڑا کارنامہ بنا کے پیش کیا پر جب اس فیملی نے بحیثیت ذمہ دار شہری غلطی کا احساس کرتے ہوئے معذرت کر لی
https://twitter.com/x/status/1546233222102716416
انہوں نے مزید کہا کہ بجائے شرمسار ہونے کے تحریک انصاف سوشل میڈیا نے عوام کو گمراہ کرنے کے لئے پروپیگنڈہ شروع کر دیا کہ اس فیملی سے دباؤ کے ذریعہ معافی لی گئی ہے۔خود سنئیے!
- Featured Thumbs
- https://www.siasat.pk/data/files/s3/ahani1i1i11.jpg