ماضی میں شہبازشریف آصف زرداری سے متعلق سخت بیانات دیتے رہے ہیں،آصف زرداری ایک بار پھر صدر منتخب ہوگئے ہیں لیکن 2008 میں جب آصف زرداری صدر تھے تب وہ اکثر جلسوں میں کہتے تھے کہ آصف زرداری کو لاہور اور لاڑکانہ کی سڑکوں پر نہ گھسیٹا تو میرا نام شہبازشریف نہیں، زرداری چور ہے۔
شہبازشریف آصف زرداری اور انکے وزراء سے متعلق علی بابا چالیس چور کی اصطلاح استعمال کرتے تھے اور کہتے تھے کہ میں نے انہیں سڑکوں پر نہ گھسیٹا تو میرا نام شہبازشریف نہیں۔
اس حوالے سے شہبازشریف کے کافی ٹویٹس انکی آرکائیو میں موجود ہیں، آج انہوں نے آصف زرداری کو صدارت کیلئے ووٹ دیا تھا لیکن وہ ماضی میں کہتے تھے کہ عمران خان کوووٹ دینا آصف زرداری کو ووٹ دینا ہے۔
انہوں نے نہ صرف 2013 بلکہ 2018 میں کمپین بھی چلائی تھی اور الیکشن 2018 سے قبل کہا تھا کہ یاد کریں جو میں 2013 میں کہتا تھا کہ پی ٹی آئی کو ووٹ دینا زرداری کو ووٹ دینا ہے...
شہبازشریف اور انکی جماعت کے ووٹوں کی بدولت آصف زرداری صدر بن گئے ہیں جس پر سوشل میڈیا صارفین ان پر طنز کے خوب تیر چلارہے ہیں اور انکے آصف زرداری کو سڑکوں پر گھسیٹنے کے بیانات کا حوالہ دے رہے ہیں۔
اس پر تحریک انصاف نے ردعمل دیتے ہوئے لکھا کہ ایک بار پھر پی پی پی اور پی ایم ایل این عوام سے لوٹے گئے اربوں ڈالر بچانے اور پاکستان میں جمہوریت کو مکمل طور پر تباہ کرنے کے لیے اکٹھے ہو گئے ہیں۔
ورک شاہزیب نے طنز کیا کہ یہ ہے شہباز شریف صدر کے طور پر زرداری کو ووٹ دے رہے ہیں۔ تاریخ ایسے غنڈوں اور مینڈیٹ چوروں کو معاف نہیں کرے گی۔
مریم نواز نے کچھ سال پہلے ایک ٹویٹ کیا تھا جس میں انہوں نے کہا تھا کہ زرداری اور امپائر کی انگلی کا بیوپاری۔۔ تیرے دربار میں پہنچے تو سبھی ایک ہوئے
اس پر عمران نامی سوشل میڈیا صارف نے شہبازشریف کی آصف زرداری کو ووٹ ڈالنے کی فوٹو شئیر کرتے ہوئے کہا کہ شہباز شریف اپنے صدارتی امیدوار آصف زرداری کو ووٹ ڈالتے ہوئے: 9 مارچ 2024 قومی اسمبلی
عامر علی شاہ نے طنز کیا کہ صدر اور وزیراعظم کی ملاقات، گھسیٹنے کے نت نئے طریقوں پر تبادلہ خیال، لاڑکانہ کی بجائے اسلام آباد اور راولپنڈی کی سڑکیں گھسیٹنے کے شیڈول میں شامل
ساجداکرام نے کہا کہ اچھا تو امپائر کی انگلی کا بیوپاری اصل میں چچا تھا
اظہر خان آصف زئی نے طنز کیا کہ رداری کو ووٹ دے کر لاڑکانہ، لاہور ، پشاور اور کراچی کے سڑکوں پر گھسیٹنے کا منظر
سید ذیشان عزیز نے کہا کہ شہباز شریف آصف زرداری کو گھسیٹ گھسیٹ کر ایوان صدر لے آئے اور سزا کے طور پر انہیں صدر بنا دیا ہے - اللہ ایسے انتقام لینے والے مخالفین سے سب کو نوازے : آمین
نیا پاکستان نے تبصرہ کیا کہ اگر میں نے زرداری کو لاہور ، لاڑکانہ کی سڑکوں پر نہ گھسیٹا تو میرا نام شہباز شریف نہیں
صحافی ثمینہ پاشا نے تبصرہ کیا کہ جو خود الیکٹ نہیں ہوئے انہوں نے مملکت کا سربراہ الیکٹ کر لیا۔ افسوس ہمارے نظام پر
صحافی شاکر محمود اعوان نے کہا کہ بہترین کلپس۔۔۔ماضی میں کیسے نواز شریف، آصف زرداری ،شہباز شریف اور بلاول بھٹو ایک دوسرے کو چور،لیٹرا ڈاکو،اور جمہوریت کا دشمن قرار دیتے تھے
آصف زرداری کے منتخب ہونے پر وزیراعظم شہبازشریف فورا انکے گھر پہنچے اور انکے گلے لگ گئےجس کی ویڈیو سوشل میڈیا پر وائرل ہوگئی، صحافی طارق متین نے ویڈیو شئیر کرتے ہوئے طنز کیا کہ پیٹ پھاڑ کر گھسیٹنے کا نیا طریقہ
- Featured Thumbs
- https://www.siasat.pk/data/files/s3/zai1h12hh31.jpg
Last edited:
