کچے کے ڈاکو شاہد لنڈ کی ہلاکت کیسے ہوئی؟ نجی چینل اصل کہانی سامنے لے آیا۔شاہد لنڈ کو اسکے اپنے ہی ساتھی نے پولیس کی ملی بھگت سے قتل کیا۔
نجی چینل کے ذرائع کے مطابق شاہد لنڈ کو پنجاب پولیس نے مبینہ پلاننگ کرکے ایک اورخطرناک ڈاکو عمرلُنڈ کے ہاتھوں مروایا۔ عمرلُنڈ کو شاہد لُنڈ کو قتل کرنے کیلئے پولیس کے علی پورمیں تعینات ایک اعلی پولیس آفیسرنے راضی کیا تھا۔
پولیس نے عمر لنڈ کو اسکے بدے مقدمات ختم کرنے اور خاندان کو مکمل تحفظ فراہم کرنیکی یقین دہانی کرائی تھی۔عمرلُنڈ پرروجھان اوررحیم یارخان میں ڈیڑھ درجن سے زائد مقدمات درج ہیں۔
عمر لنڈ اور اسکے بھائی نے شاہدلنڈ کو قتل کرنے کے بعد روجھان پولیس کے پاس پناہ لی۔شاہد لُنڈ کو قتل کرنے کےبعد عمرلُنڈ کے خاندان کی حفاظت کیلئے گھرکےباہرپولیس کی بھاری نفری تعینات کردی گئی۔
شاہد لنڈ کو قتل کرنے کیلئے سندھ سے 8 سے 10 ڈاکو بھی شریک تھےاور ایک تقریب منعقد کرکے اس میں شاہد لنڈ کو فائرنگ کرکے موت کے گھاٹ اتارا گیا۔
عمر لنڈ نے بتایا کہ وہ شاہد لنڈ کو قتل کرنے کے بعد سندھ کے ڈاکوگینگ کے افراد کو بھی مارنا چاہتا تھا مگر رائفل میں گولی پھنس گئی جس کے بعد راکٹ لانچر فائر کیا مگر دوسرا راکٹ لانچر فائر کرتے ہی راکٹ لانچر کی پن پھنس گئی جس پر وہ موقع سے فرار ہوگیا اور دریاعبور کرکے پولیس کے سامنے سرنڈر کردیا۔
واضح رہےکہ رحیم یار خان اور راجن پور پولیس نے مشترکہ آپریشن میں انتہائی مطلوب ڈاکو اور لُنڈ گینگ کے سرغنہ شاہد لُنڈ کو ہلاک کرنے کا دعوی کیا تھا۔
lovers hain tumari tara? Apnay uper drone marwa ke $$ kamanay wali azeem fauj hahah
