کعبے کس منہ سے جاؤ گے غالب
---------------------------------
انگریزوں کے مسلط کردہ سیاہ کتابی دور سے کچھ پہلے کی بات ہے جب حکمران عدالتوں میں قاضیوں کا تقرر کرتے تو قانون کے لازمی علم کے ساتھ یہ خوبی مدنظر رکھتے کہ قاضی میں " چھٹانک " بھر فراست، رحم دلی، اور خوف خدا بھی ہے- منصف بھی محض کتابی دنیا میں ہمہ وقت غرق نہ رہتا بلکہ اپنے مشاہدے اور تجربے کو وسیع کرتا، حالات واقعات کا جائزہ لیتا، جرم کے اثرات کے دور رس نتائج پر غور کرتا اور پھر مجرم کو قرار واقعی سزا دیتا-
برا ہو پھر گوروں کے کالے قوانین آ گۓ- ایک جج بننے کے لیے ذاتی اوصاف نہیں بلکہ قانون کی چند کتابیں رٹ لینا اہم ہوگئیں- جج کی اپنی عقل و سمجھ بوجھ موٹی صخیم کتابوں کی ٹنوں وزن تلے دب گئی اور انصاف کا خون برابر ہوتا رہا- آج جج بننا ایسا ہی ہے جیسے سرکاری سکول میں استاد لگنا یا پھر واسا میں 11 گریڈ کا نوکر ہونا- صبح 9 تا 5 ڈیوٹی دینی ہے، اس بیچ کتنے گھر اجڑیں، انسان دربدر ہوں، مجرم دندناتے پھریں، جج کی بلا سے
اب اصل واقعہ کی طرف آئیے
دو روز قبل لاہور ہائیکورٹ نے بچوں کے ساتھ جنسی زیادتی کرنے اور ان کی عریاں فلمیں بیرون ملک بیچنے والے مجرم سعادت امین کو ضمانت پر رہا کرنے کا اعلان کردیا- مجرم یہ فلمیں ناروے، سوئیڈن ودیگر ملکوں میں گاہکوں کو سپلائی کرتا تھا- ناروے کی ایجنسیز کو اس قبیح جرم کی بھنک پڑی تو تحقیقات کیں، مقامی مجرموں کو پکڑا اور پھر ان کی گواہی پر پاکستانی ایف آئی اے کو خبردار کیا اور یوں اس بدبخت کی گرفتاری عمل میں آئی- سعادت امین نے اس دھندے سے کروڑوں کماۓ مگر سینکڑوں بچوں کی بربادی کی قیمت پر
دو سال جیل میں رہا- کمزور سا کیس بنایا گیا- مجرم کروڑوں کما چکا تھا لہذا تگڑا وکیل کیا- وکیل نے انہی انگریزی کتابوں کے حوالہ جات دیئے تو جج کا دل پسیج گیا- اسے رحم آ گیا- اس نے مجرم کے ہاتھوں برباد ہونے والے بچوں کی چیخ وپکار کو جوتی کی نوک پر رکھا اور فقط دو لاکھ کے مچلکوں پر ضمانت پر رہا کرنے کا حکم دے دیا
رہا کرنے کا حکم شاید اس لیے بھی دیا کہ نہ تو اس وکیل اور نہ جج کے معصوم بچے سے یہ زیادتی ہوئی تھی (اور اللہ نہ کرے کبھی بھی ایسا ہو) مگر چونکہ یہ رعایا کے بچے ہیں جن کا والی وارث اس ملک میں کوئی نہیں- جو آۓ وہ روند کر چلا جاۓ
رہائی کی خبر جب سوشل میڈیا میں گونجی تو لامحالہ طوفان اٹھنا تھا- پھر سپریم کورٹ میں بیٹھے عظیم منصفوں اور حکومتی اداروں میں بیٹھے مائی باپوں کی بھی غیرت جاگی اور لاہور ہائیکورٹ کو فیصلہ دوبارہ سننے کا کہا- خیر، ابھی سے لکھ لیں کہ مجرم کو کچھ نہیں ہوگا، ابھی نہیں تو کچھ ماہ بعد رہا ہوکر پھر دھندے پر لگ جاۓ گا
شرم نبی خوف خدا، یہ بھی نہیں وہ بھی نہیں
نوٹ: سخت زبان کے لیے پیشگی معذرت
---------------------------------
انگریزوں کے مسلط کردہ سیاہ کتابی دور سے کچھ پہلے کی بات ہے جب حکمران عدالتوں میں قاضیوں کا تقرر کرتے تو قانون کے لازمی علم کے ساتھ یہ خوبی مدنظر رکھتے کہ قاضی میں " چھٹانک " بھر فراست، رحم دلی، اور خوف خدا بھی ہے- منصف بھی محض کتابی دنیا میں ہمہ وقت غرق نہ رہتا بلکہ اپنے مشاہدے اور تجربے کو وسیع کرتا، حالات واقعات کا جائزہ لیتا، جرم کے اثرات کے دور رس نتائج پر غور کرتا اور پھر مجرم کو قرار واقعی سزا دیتا-
برا ہو پھر گوروں کے کالے قوانین آ گۓ- ایک جج بننے کے لیے ذاتی اوصاف نہیں بلکہ قانون کی چند کتابیں رٹ لینا اہم ہوگئیں- جج کی اپنی عقل و سمجھ بوجھ موٹی صخیم کتابوں کی ٹنوں وزن تلے دب گئی اور انصاف کا خون برابر ہوتا رہا- آج جج بننا ایسا ہی ہے جیسے سرکاری سکول میں استاد لگنا یا پھر واسا میں 11 گریڈ کا نوکر ہونا- صبح 9 تا 5 ڈیوٹی دینی ہے، اس بیچ کتنے گھر اجڑیں، انسان دربدر ہوں، مجرم دندناتے پھریں، جج کی بلا سے
اب اصل واقعہ کی طرف آئیے
دو روز قبل لاہور ہائیکورٹ نے بچوں کے ساتھ جنسی زیادتی کرنے اور ان کی عریاں فلمیں بیرون ملک بیچنے والے مجرم سعادت امین کو ضمانت پر رہا کرنے کا اعلان کردیا- مجرم یہ فلمیں ناروے، سوئیڈن ودیگر ملکوں میں گاہکوں کو سپلائی کرتا تھا- ناروے کی ایجنسیز کو اس قبیح جرم کی بھنک پڑی تو تحقیقات کیں، مقامی مجرموں کو پکڑا اور پھر ان کی گواہی پر پاکستانی ایف آئی اے کو خبردار کیا اور یوں اس بدبخت کی گرفتاری عمل میں آئی- سعادت امین نے اس دھندے سے کروڑوں کماۓ مگر سینکڑوں بچوں کی بربادی کی قیمت پر
دو سال جیل میں رہا- کمزور سا کیس بنایا گیا- مجرم کروڑوں کما چکا تھا لہذا تگڑا وکیل کیا- وکیل نے انہی انگریزی کتابوں کے حوالہ جات دیئے تو جج کا دل پسیج گیا- اسے رحم آ گیا- اس نے مجرم کے ہاتھوں برباد ہونے والے بچوں کی چیخ وپکار کو جوتی کی نوک پر رکھا اور فقط دو لاکھ کے مچلکوں پر ضمانت پر رہا کرنے کا حکم دے دیا
رہا کرنے کا حکم شاید اس لیے بھی دیا کہ نہ تو اس وکیل اور نہ جج کے معصوم بچے سے یہ زیادتی ہوئی تھی (اور اللہ نہ کرے کبھی بھی ایسا ہو) مگر چونکہ یہ رعایا کے بچے ہیں جن کا والی وارث اس ملک میں کوئی نہیں- جو آۓ وہ روند کر چلا جاۓ
رہائی کی خبر جب سوشل میڈیا میں گونجی تو لامحالہ طوفان اٹھنا تھا- پھر سپریم کورٹ میں بیٹھے عظیم منصفوں اور حکومتی اداروں میں بیٹھے مائی باپوں کی بھی غیرت جاگی اور لاہور ہائیکورٹ کو فیصلہ دوبارہ سننے کا کہا- خیر، ابھی سے لکھ لیں کہ مجرم کو کچھ نہیں ہوگا، ابھی نہیں تو کچھ ماہ بعد رہا ہوکر پھر دھندے پر لگ جاۓ گا
شرم نبی خوف خدا، یہ بھی نہیں وہ بھی نہیں
نوٹ: سخت زبان کے لیے پیشگی معذرت
