پشاور زلمی نے بابر اعظم کی جگہ پر اپنے بلے باز شعیب ملک کو کراچی کنگز کو دے دیا ہے۔
تفصیلات کے مطابق پاکستان سپر لیگ (پی ایس ایل) کے آٹھویں سیزن کی شروعات سے قبل ہی قومی کرکٹ ٹیم کے کپتان بابر اعظم نے کراچی کنگز کے ساتھ مزید کام سے معذرت کرتے ہوئے پشاور زلمی کو جوائن کرلیا ہے۔ذرائع کے مطابق کراچی کنگز اور پشاور زلمی کی انتظامیہ کے درمیان اس حوالے سے تمام معاملات طے پا چکے ہیں ، پشاور زلمی نے بابر اعظم کی جگہ پر اپنے بلے باز شعیب ملک کو کراچی کنگز کو دے دیا ہے۔
پشاور زلمی کرکٹ ٹیم کے مالک جاوید آفریدی نے سماجی رابطے کی ویب سائٹ ٹوئٹر پر بابر اعظم کی پشاور زلمی میں شمولیت کی تصدیق کرتے ہوئے ان کی ویڈیو شیئر کرتے ہوئے انہیں اپنی ٹیم میں خوش آمدید کہا!
سماجی رابطوں کی ویب سائٹ ٹویٹر پر پشاور زلمی کرکٹ ٹیم کے مالک جاوید آفریدی نے بابر اعظم کی تصویر شیئر کرتے ہوئے اپنے پیغام میں لکھا کہ: "پخیر راغلے ٹو زلمی فیملی" بابر اعظم کو پشاور زلمی نے تجربہ کار آل راؤنڈر شعیب ملک کے بدلے کراچی کنگز سے خریدا ہے! بابر اعظم اسلام آباد یونائیٹڈ چھوڑنے کے بعد 2017 ء سے کراچی کنگز کے لیے کھیل رہے تھے۔
یاد رہے دائیں ہاتھ کے بلے باز پی ایس ایل کے اب تک کے سب سے زیادہ سکورر ہیں، وہ 68 میچوں میں 2413 رنز بنا چکے ہیں جبکہ پی ایس ایل کے 7 ویں سیزن کے دوران بابر اعظم کی قیادت میں کراچی کنگز پی ایس ایل کے ایک ایڈیشن میں 9میچ ہارنے والی پہلی ٹیم بنی تھی۔
اس سے قبل کراچی کنگز کے مالک سلمان اقبال نے بابر اعظم کے لیے اپنے پیغام میں لکھا تھا کہ: بابر اعظم کو پشاور زلمی میں جانے پر میں بہت خوش ہوں کہ بابر اعظم چھ سیزن تک کراچی کنگز کا حصہ رہے ہیں۔ ان کا شکریہ اور نیک تمنائیں! بس اب کراچی کنگز کے خلاف کوور ڈرائیوز نہ مارنا!
- Featured Thumbs
- https://www.siasat.pk/data/files/s3/9babarazampeshawarzalmi.jpg
