
بھارت کے اتر پردیش کے مرزا پور میں ایک خاتون کی آٹو ڈرائیور پر حملے کی ویڈیو سوشل میڈیا پر وائرل ہو گئی ہے، جس میں خاتون آٹو ڈرائیور پر جسمانی حملہ کرتی نظر آرہی ہیں۔ یہ واقعہ آٹو کرائے کے تنازعہ کے باعث پیش آیا، تاہم خاتون کا دعویٰ ہے کہ ڈرائیور نے ان کے خلاف غیر اخلاقی زبان استعمال کی، جس پر انہوں نے اپنا رد عمل ظاہر کیا۔
خاتون، پریانشی پانڈے، نے بتایا کہ اس واقعے کے بعد انہیں نا معلوم نمبروں سے دھمکی آمیز کالز موصول ہو رہی ہیں، جن میں انہیں جان سے مارنے کی دھمکیاں دی جا رہی ہیں۔ سوشل میڈیا پر وائرل ہونے والی ویڈیو میں دیکھا جا سکتا ہے کہ پریانشی پانڈے آٹو ڈرائیور، وملیش کمار شکلہ، کو اس کی سیٹ سے گھسیٹ رہی ہیں اور شدید گالی گلوچ کر رہی ہیں۔
پریانشی پانڈے کا انسٹاگرام اکاؤنٹ دیکھنے سے یہ پتہ چلتا ہے کہ ان کے سینکڑوں پوسٹس اور ریلز موجود ہیں، جن میں ایک تصویر میں وہ اسلحہ کے ساتھ بھی نظر آرہی ہیں، اور ان کے ہزاروں فالوورز ہیں۔
خاتون نے اس واقعے کے ٹلنے کے بعد ایک ویڈیو بیان بھی جاری کیا، جس میں انہوں نے اپنی وضاحت دیتے ہوئے کہا کہ ڈرائیور کے غیر اخلاقی الفاظ نے انہیں اس رد عمل پر مجبور کیا۔
- Featured Thumbs
- https://i.ibb.co/8dp7kCc/rikshaw.jpg