کارساز حادثے کی مرکزی ملزمہ نتاشا دانش کی جیل میں اب کیا سرگرمیاں ہیں اس حوالے سے جیل کے اندرونی ذرائع نے تہلکہ خیز معلومات فراہم کردی۔
آن لائن اخبار وی نیوز کے مطابق جیل ذرائع کا کہنا ہے کہ نتاشا کو وارڈ منتقل کرنے کا آرڈر دینے والی ایس پی حمیرا قیوم سے وومن یوتھ فل اوفینڈر انڈسٹریل اسکول (وومن جیل) کا چارج لیکر جووینائل جیل منتقل کردیا گیا۔
ذرائع کے مطابق نتاشا دانش اے سی روم میں بیٹھی تھی کہ حمیرا قیوم نے انہیں کہا کہ آپ یہاں صرف قیدی ہو اور اپنے وارڈ میں جاؤ، اس معاملے کے بعد ڈی آئی جی وومن جیل شیبا شاہ نے ان حمیرا قیوم سے چارج لے لیا,نتاشا دانش کی دیکھ بھال کے لیے جیل میں شیبا شاہ کی پی اے زینب سیدہ کو تعینات کیا ہے اور نتاشا، زینب پر نہ صرف تشدد کرتی ہے بلکہ گالم گلوچ بھی کھلم کھلا کر رہی ہیں، جو مرضی ہو جو دل چاہے زینب سے کام لیتی ہے۔
ذرائع کے مطابق شیبا شاہ نے صحافیوں کا ایک وزٹ رکھا تھا جس میں نتاشا کو محض 20 منٹوں کے لیے وارڈ میں منتقل کیا گیا اور صحافیوں کے ذریعہ قانون کی خلاف ورزی کرتے ہوئے ایک ویڈیو بھی وائرل کراوئی گئی تھی, اگر کوئی پے رول پر بھی گھر جائے تو وہ 5,6 ماہ میں ایک بار تب ہی جاسکتا ہے جب کوئی ایمرجنسی ہو، لیکن نتاشا پے رول پر نہ ہونے کے باوجود روز رات کو گھر جاتی ہیں اور دن میں پی ایس او ٹو ڈی آئی جی مشتاق ابوبکر کے اے سی والے کمرے میں رہتی ہیں۔
گزشتہ ہفتے جیل حکام نے کارساز حادثے کی ملزمہ کو خصوصی سہولت دیے جانے کی خبروں کی تردید کردی تھی,جیل حکام کا کہناتھا کہ سانحہ کارساز کی مرکزی ملزمہ کو جیل میں خصوصی سہولیات دینے والی خبر میں کوئی صداقت نہیں ، انہیں عام قیدی خواتین والی تمام سہولتیں دی جارہی ہیں.
