پاکستان کرکٹ بورڈ (پی سی بی) نے آئندہ آئی سی سی چیمپئنز ٹرافی کے لیے 20 سے زائد کھلاڑیوں کے ابتدائی اسکواڈ کے نام آئی سی سی کو جمع کرا دیے ہیں۔
ذرائع کے مطابق سلیکشن کمیٹی نے ابتدائی اسکواڈ دو روز قبل جمع کروایا تھا، جو آئی سی سی کے طے شدہ طریقہ کار کے مطابق ایونٹ کے اسپورٹ پریڈ سے ایک ماہ قبل جمع کرانا ضروری تھا۔ آئی سی سی چیمپئنز ٹرافی کا اسپورٹ پریڈ 12 فروری سے شروع ہوگا۔
ابتدائی اسکواڈ میں شامل کھلاڑیوں میں کپتان محمد رضوان، بابر اعظم، طیب طاہر، اور عرفان خان نیازی کے علاوہ سفیان مقیم، محمد حسنین، عبداللہ شفیق، نسیم شاہ، عثمان خان، شاہین شاہ آفریدی، اور حارث رؤف شامل ہیں۔ مزید برآں، ابرار احمد، کامران غلام، سلمان علی آغا، امام الحق، فخر زمان، حسیب اللہ، اور عباس آفریدی بھی اسکواڈ کا حصہ ہیں۔ صائم ایوب کا نام بھی ابتدائی اسکواڈ میں شامل کیا گیا ہے۔
قومی سلیکشن کمیٹی نے جنوبی افریقا کے خلاف 15 رکنی اسکواڈ آئی سی سی کو بھیجا ہے۔ چیمپئنز ٹرافی کے لیے حتمی اسکواڈ کا اعلان 10 فروری کو متوقع ہے، جس میں متعدد تبدیلیاں کی جا سکتی ہیں۔ ذرائع کے مطابق حتمی اسکواڈ میں عبداللہ شفیق اور عثمان خان کی شمولیت کا امکان کم ہ
