پاکستان کرکٹ ٹیم کے فاسٹ بولر شاہنواز دھانی نے کرکٹ کے بعد گلوگاری کے میدان زور آزمائی کی تو سوشل میڈیا صارفین بھی بولنے پر مجبور ہوگئے، فاسٹ بولر حسن علی نے سوشل میڈیا پر ویڈیو پوسٹ کی جس میں دھانی کو ایک تقریب کے دوران مائیک اٹھائے گانا گاتے ہوئے دیکھا گیا۔
حسن علی نے ویڈیو کے کیپشن میں لکھا ہمارے درمیان ایک نیا گلوگار شاہنواز دھانی،ویڈیو میں دھانی 1990 میں ریلیز ہونے والی بالی وڈ فلم جرم کا مشہور گانا جب کوئی بات بگڑ جائے گانے کی کوشش کررہے ہیں،دھانی اپنے موبائل میں گانے کے بول دیکھ کر گا رہے ہیں جبکہ ان کے پیچھے بینڈ بھی موجود ہے۔
سوشل میڈیا پر دھانی کی گانا گانے کی ویڈیو وائرل ہہوئی تو سوشل میڈیا صارفین بھی بولنے پر مجبور ہوگئے، صارفین دلچسپ تبصرے کرنے لگے، گانا پسند تو کسی کو نہیں آیا لیکن کمنٹس زبردست دیئے گئے،
ایک صارف نے لکھا مہربانی کرکے کوئی دھانی سے مائیک لے لو '، جبکہ دوسرے صارف نے کہا چاہت علی خان کے بعد پاکستان کو ایک اور ہیرا مل گیا۔
ایک صارف نے مشورہ دیا شاہنواز دھانی اگر گلوکاری آپ کا کیریئر کا دوسرا آپشن ہے تو کرکٹ کبھی نہیں چھوڑنا،
شاہنواز کی آواز سے تنگ آکر ملکہ سیرت نے پوچھ ہی ڈالا، آخر کیا مجبوری تھی؟
ایک صارف نے لکھا بھائی اپنا سائیڈ کیریئر بنارہاہے۔
یہ پہلا موقع نہیں کہ دھانی نے گانے کی کوشش کی ہو، گزشتہ دنوں شاہنواز دھانی زمبابوے میں بچوں کےساتھ گھل مل گئے تھے جب کہ مقامی زبان میں گانا گایا بھی تھا،دھانی اور فاسٹ بولر نسیم شاہ کی بھی ایک ویڈیو وائرل ہوئی تھی جس میں انہیں سندھی گانا گاتے دیکھا گیا تھا۔
برطانوی پاکستانی چاہت فتح علی خان جو حال ہی میں اپنے گانے کی ویڈیوز کے لیے سوشل میڈیا پر وائرل ہوئے، وہ اپنے منفرد انداز میں گانے کی وجہ سے اکثر میڈیا کی توجہ کا مرکز بنے رہتے ہیں،ان کے کئی تفریحی گانے کی ویڈیوز نے سوشل میڈیا پر لاکھوں لوگوں کو اپنی طرف متوجہ کیا تھا۔
