پاکستان کرکٹ ٹیم کے سابق کپتان شاہد آفریدی کو نیوزی لینڈ کے خلاف ہوم سیریز کے لیے عبوری سلیکشن کمیٹی کا چیئرمین مقرر کردیا گیا ہے۔
پاکستان کرکٹ بورڈ اور پی سی بی مینجمنٹ کمیٹی کےچیئرمین نجم سیٹھی نےعبوری سلیکشن کمیٹی کا اعلان کر دیا۔
عبوری سلیکشن کمیٹی کے چیئرمین شاہد آفریدی ہوں گے جب کہ عبد الرزاق، راؤ افتخار رکن اور ہارون رشید کنوینر ہوں گے۔
سوشل میڈیا صارفین نے شاہدآفریدی کو شدید تنقید کانشانہ بنایا اور کہا کہ یہ شاہد آفریدی کو انعام دیا گیا ہے نوازشریف کی خوشامد کا، انکا مزید کہنا تھا کہ جو بندہ خود صفر پر آؤٹ ہوکر پوری ٹیم کو مشکل میں ڈال دے وہ کیا بہترین ٹیم بنائے گا۔
اینکر عمران ریاض نے تبصرہ کرتے ہوئےلکھا کہ شاہد آفریدی سٹار ہیں۔ نوجوانوں میں بہت مقبول ہیں ۔ مگر قومی ٹیم کے چیف سلیکٹر ہونے کے لیے موزوں نہیں لگتے۔
جمیل فاروقی نے لکھا کہ "سلیکٹرز" نے شاہد خان آفریدی کو "چیف سلیکٹر" نامزد کردیا - اعلان ختم ہوا
فیاض شاہ نے تبصرہ کیا کہ حضور یہ ہیں وہ ذرائع جن کی وجہ سے شاہد آفریدی چیف سلیکٹر بنا ہے
اسکا مزید کہنا تھا کہ شاہد آفریدی اگر اپنی محنت سے چیف سلیکٹر بنتا تو ہم سب مبارکباد دیتے لیکن یہ کم ظرف بُوٹ پالش اور منافقت سے بنا ہے۔ عمران خان کے دور میں یہ ہر 10 دن بعد حکومت پر تنقیدی ٹویٹس کرتا تھا۔ شہبازشریف کو بہترین ایڈمنسٹریٹر کا خطاب دے کر ویلکم کیا اور پھر کبھی حکومت مخالف ٹویٹ نہیں کی۔
فیصل منہاج کا کہنا تھا کہ شہباز شریف نے شاہد خان آفریدی کو اپنی تعریف کرنے پر نوازدیا ـ
ساجد کا کہنا تھا کہ عمران خان کی حکومت آئے تو نجم سیٹھی کو صرف شاہد آفریدی کو چیف سلیکٹر بنانے پر عمر قید ہونی چاہیئے باقی حساب اپنی جگہ
رفیق احمد کا کہنا تھا کہ ثنا میر کی ایک دن کی زندگی شاہد آفریدی کی سو سالہ زندگی سے بہتر ہے۔۔
ایک سوشل میڈیا صارف نے تبصرہ کیا کہ کرکٹ کی دنیا میں "صفر" پر آؤٹ ہونیوالوں میں دوسرے نمبر پر آنیوالا شاہد آفریدی اب ہماری قومی کرکٹ ٹیم کا چیف سلیکٹر ہے تالیاں ۔۔!
ارسلان جٹ نے لکھا کہ شاہد خان آفریدی کو شہباز شریف کی دن رات تعریفوں کا صلہ مل گیا۔
سیدذیشان عزیز نے لکھا کہ جو لوگ کہتے تھے شاہد آفریدی "نیوٹرل" ہے وہ لوگ کہاں ہیں؟
ایک اور سوشل میڈیا صارف نے تبصرہ کیا کہ اب تو سمجھ آگئی ہوگی کہ شاہد آفریدی کے نزدیک شہباز شریف کیوں اتنے اچھے ایڈمنسٹریٹر تھے۔۔؟ یقین دہانی پہلے ہی کروائی جا چوکی تھی جناب
- Featured Thumbs
- https://www.siasat.pk/data/files/s3/shah11h12h11.jpg
Last edited:
