یہ مسلمان ہیں جنہیں دیکھ کر شرمائیں یہود۔
یہی وہ خوف اور درد ہے جس کا ذکر نام نہاد حافظ اپنی تقریروں میں کرتا رہا۔ ان جرنیلوں نے مولویوں اور بے ایمان لوگوں کے ساتھ ملکر ملک کا کیا حال کردیا۔
بقول پروین شاکر
اے میری گل زمیں تجھے چاہ تھی اک کتاب کی
اہل کتاب نے مگر کیا تیرا حال کردیا
حضورﷺ کے ماننے والے اور اس قدر بے رحم ؟ جس نے اخلاق کے وہ اعلیٰ معیار قائم کئے کہ غیر مسلم بھی اس کے معترف ہیں۔
اس رحمت عالم ابر کرم کے یہ کیسے متوالے ہیں
وہ آگ بجھانے آیا تھا ، یہ آگ لگانے والے ہیں
وہ والی تھا مسکینوں کا ، بیواؤں اور یتیموں کا
یہ ماؤں بہنوں کے سر کی چادر کو جلانے والے ہیں
وہ جود و سخا کا شہزادہ تھا بھوک مٹانے آیا تھا
یہ بھوکوں کے ہاتھوں کی روٹی چھین کے کھانے والے ہیں
یہ زر کے پجاری بیچنے والے ہیں دین و ایمانِ وطن
اے دیس سے آنے والے بتا کس حال میں ہیں یارانِ وطن
