24 ڈسٹرکٹ اینڈ سیشن ججز متعلقہ اضلاع میں بطور او ایس ڈی تعینات، نوٹیفیکیشن جاری
صوبہ پنجاب میں تقرری کے منتظر 24 ڈسٹرکٹ اینڈ سیشن ججز کو او ان کے متعلقہ اضلاع میں او ایس ڈی تعینات کر دیا گیا ہے۔ ذرائع کے مطابق صوبہ پنجاب میں تقرریوں کے منتظر 24 ڈسٹرکٹ اینڈ سیشن ججز کو چیف جسٹس لاہور ہائیکورٹ کی منظوری سے او ایس ڈی تعینات کرنے کا نوٹیفیکیشن جاری کیا گیا ہے۔ لاہور ہائیکورٹ کی طرف سے جاری نوٹیفکیشن کے مطابق 24
ڈسٹرکٹ اینڈ سیشن ججز کو ان کے متعلقہ ضلعوں میں 29 ستمبر 2023ء سے بطور او ایس ڈی تعینات کر دیا گیا ہے۔لاہور ہائیکورٹ کی طرف سے جاری کیے گئے نوٹیفیکیشن کے مطابق ڈسٹرکٹ اینڈ سیشن جج وسیم الرحمن خان کو ضلع راجن پور، بخت فہر بہزاد کو ضلع لاہور،
شاہد اسلام کو ضلع بھکر، عبدالرحیم اور تنویر احمد شیخ کو ضلع ڈیرہ غازیخان، محمد ذوالفقار لون اور خالد ارشد کو ضلع ننکانہ صاحب اور ڈسٹرکٹ اینڈ سیشن جج محمد ابراہیم اصغر کو ضلع لیہ میں 29 ستمبر سے بطور او ایس ڈی تعینات کر دیا گیا ہے۔
ڈسٹرکٹ سیشن ججز عامر سلیم رانا، عبدالرزاق، علی نواز اور حامد حسین کو ضلع راولپنڈی، رانا زاہد اقبال کو ضلع گوجرانوالہ، قمر سلطان اور ضیاء اللہ خان کو ضلع جہلم، محمد عباس کو ضلع مظفر گڑھ، شاہدہ سعید کو ضلع
شیخوپورہ، غفار مہتاب کو ضلع ٹوبہ ٹیک سنگھ، محمد شبیر کو ضلع پاکپتن، اصغر خان کو ضلع منڈی بہائو الدین اور امجد نذیر چودھری کو ضلع چنیوٹ میں او ایس ڈی تعینات کرنے کا نوٹیفیکیشن جاری کیا گیا ہے۔
